17.03.2025
17-уми марти соли 2025 дар Муассисаи таҳсилоти миёнаи умумии №19-и шаҳри Душанбе даври аввали семинари омӯзишӣ барои тренерони маҳаллии арзёбии байналмилалии PIRLS -2026 баргузор гардид.
Дар ифтитоҳи семинари мазкур муовини вазири маориф ва илм Равшан Каримзода, муовини якуми директори Маркази миллии тестӣ Абдулбосит Шодиниё, сардори Сарраёсати маорифи шаҳри Душанбе Баҳром Исмоилзода, муовини директори Агентии назорат дар соҳаи маориф ва илм Дилафрӯз Назарализода, сардорони раёсату шуъбаҳои дахлдори дастгоҳи марказии вазорат, мудирон ва намояндагони шуъбаҳои маорифи шаҳру ноҳияҳои кишвар иштирок намуданд.
Зимни ифтитоҳи семинар муовини вазири маориф ва илм иброз намуд, ки имрӯз мо, кормандони соҳаи маориф дар партави сиёсати дурандешонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати амалӣ гардонидани як қатор стратегияҳои миллӣ, ки барои пешрафту шукуфоии соҳаҳои гуногуни Тоҷикистони азиз нигаронида шудааст, фаъолияти худро роҳандозӣ намуда истодаем.
Сипас, семинар ба кори худ шурӯъ намуда, тренерон аз рӯйи барномаи семинар иштирокчиёнро бо маълумотҳои зарурии назариявию амалӣ шинос намуданд.
Гуфта шуд, ки 28 феврали соли 2025 Пешвои миллат муҳтарам Эмомалӣ Раҳмон дар маҷлиси Ҳукумати Ҷумҳурии Тоҷикистон, нахуст Стратегияи миллии арзёбии сифати таҳсилот дар Ҷумҳурии Тоҷикистон барои давраи то соли 2044 муаррифӣ намуданд. Стратегияи мазкур ба такмили раванди таълим равона шуда, ба таъмини сифати таҳсилот мусоидат мекунад ва барои иштирок дар арзёбии байналмилалии сифати таҳсилот замина мегузорад. Сифати таҳсилот бо дарназардошти таъмини шароити мусоид барои таълиму тарбия, иқтидори кадрӣ, адабиёти таълимии ба қобилияти зеҳнию физиологии тарбиятгирандагону хонандагон мутобиқ, воситаҳои таълимӣ, маводи методию аёнӣ, инчунин азхудкунии барномаҳои таълимию тарбиявии мувофиқ ба талаботи стандартҳои давлатии таҳсилот мавриди арзёбӣ қарор мегирад.
Ёдовар мешавем, ки семинари мазкур 3 рӯз идома ёфта, 19 март ба анҷом мерасад.
Хабарҳои дигар
-
Дар шаҳри Душанбе марҳилаи интихобии озмуни “Беҳтарин ошпази мактабӣ – 2025” баргузор гардид 5 августи соли 2025, Барномаи озуқавории ҷаҳонӣ (БОҶ) дар ҳамкорӣ бо вазоратҳои маориф ва илм, тандурустӣ ва ҳифзи иҷтимоии аҳолӣ Институти ғизои соҳавии Русия марҳилаи интихобии озмуни “Беҳтарин ошпази мактабӣ – 2025”- ро дар шаҳри Душанбе баргузор намуд. Дар озмун чор ошпази ботаҷриба аз муассисаҳои таълимии пойтахт иштирок карданд. Ҳар кадом маҳорати баланди ошпазӣ ва садоқати худро ба касб ва ғизои солими мактабӣ нишон доданд. Ошпазҳо бо истифода аз маҳсулоти ҳаррӯзаи мактаб ва Китоби «Маҷмӯаи дастурҳои ғизои мактабӣ»таомҳои мактабӣ, болаззат ва серғизо омода намуданд, аз ҷумла сэт, ки дар он хӯрокҳои зерин: якум шӯрбо бо ярмаи марҷумак; палав бо гӯшти гов в лӯбии сурх; хӯриш аз картошка ва ҷуворимакка; панкейк ва полуда аз ҷемро манзур намуданд. Ин таомҳо нишон доданд, ки маҳсулоти оддӣ ва дастрас дар сатҳи маҳаллӣ метавонанд асоси ғизои мутавозинро ташкил диҳанд, ки ба саломатӣ ва рушди кӯдакон мусоидат намояд. Баъд аз чашидани таомҳо ва гузоштани баҳо, ҳайати ҳакамон ду финалистро интихоб намуд. Онҳо моҳи сентябри соли ҷорӣ дар якҷоягӣ бо финалистони дигар минтақаҳои кишвар барои ҷоизаи «Беҳтарин ошпази мактаб – 2025», ки дар шаҳри Душанбе баргузор мегардад, мубориза хоҳанд кард. Ҳамаи иштирокчиён барои садоқат ба касб ва саҳмгузорӣ дар рушди ғизои мактабӣ дар саросари кишвар бо тӯҳфаҳо қадрдонӣ шуданд.
95
05.08.2025 -
БАРГУЗОРИИ КУРСИ ОМӮЗИШИ ЭЛЕКТРОНӢ 29 июли соли 2025 дар толори маҷлисгоҳи Гурӯҳи идоракунии лоиҳаи “Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика” курси омӯзишӣ оид ба Модули омӯзиши электронии БОР оид ба “Истисмори шаҳвонӣ, зӯроварӣ ва озори ҷинсӣ (SEAH)” бо иштироки кормандони лоиҳа доир гардид. Зимни баргузории курси мазкур 13 нафар кормандони ГИЛ фаъолона иштирок намуда, оид ба ҳамаи ҷанбаҳои масъалаи мазкур омӯзонида шуданд. Дар интиҳо иштирокчиёни омузиш соҳиби сертификат гардиданд. Бояд тазаккур дод, ки курси омӯзишии мазкур дар асоси Нақшаи амали SEAH-и лоиҳаи STEM гузаронида шуд.
75
29.07.2025 -
ВОХУРИИ МАҶОЗӢ БО МУШОВИРИ БАЙНАЛМИЛАЛӢ 29 июли соли 2025 дар толори маҷлисгоҳи Гурӯҳи идоракунии лоиҳаи “Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика” вохурии маҷозӣ бо мушовири байналмилалӣ хонум Приянка Чиримар доир гардид. Вохурии мазкур аз ҷониби намояндагии БОР бо иштироки Гурӯҳи идоракунии лоиҳаи “Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика” ва лоиҳаи намоишии “Долони сабз” доир гардид. Дар оғози вохурӣ муаррифии ҷонибҳо сурат гирифта, хонум Приянка Чиримар нисбат ба масъалаи ҳалли рақамӣ барои огоҳинома, муроҷиатҳо ва гузоришдиҳии Истисмори шаҳвонӣ, зӯроварӣ ва озори ҷинсӣ - SEAH маълумот дод. Зимни баргузории вохурӣ кормандони лоиҳа фаъолона ширкат намуда, вобаста ба суолҳои худ дар хусуси масъалаи ҳалли рақамӣ барои огоҳинома, муроҷиатҳо ва гузоришдиҳии SEAH посух гирифтанд.
74
29.07.2025
