16.02.2026
Дар доираи корҳои фаҳмондадиҳӣ таҳти унвони “Усули мактаб ба мактаб” бо роҳбарии сардори Раёсати маорифи вилояти Хатлон муҳтарам Зиёдулло Абдулзода дар муассисаи таълимии №34-и ноҳияи Ҷалолиддини Балхӣ вохӯрии судманд баргузор гардид. Дар чорабинӣ муовини соҳаи иҷтимоии раиси ноҳия, мудири маориф, омӯзгорони муассисаҳои таълимӣ, падару модарони толибилмон ва дигар фаъолони ҷомеа иштирок намуданд.
Ёдовар мешавем, ки давоми рӯз гурӯҳҳои корӣ фаъолияти муассисаи мазкурро мавриди омӯзиш қарор дода, дар назди падару модарон вобаста ба ҳолати ҷойдошта ҳисобот доданд. Гурӯҳи корӣ ҷиҳати фаъолият ва кам будани дастовардҳои муассисаи таълимӣ изҳори нигаронӣ кард.
Зимни суханронӣ Зиёдулло Абдулзода доир ба хизматҳои шоёни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва аҳаммияти дастуру супоришҳои Пешвои миллат аз Паёми навбатӣ ба Маҷлиси Олии мамлакат дар самти рушди соҳаи маориф андешаронӣ намуд. Ҳамчунин, мазмуну муҳтавои Қонуни Ҷумҳурии Тоҷикистон «Дар бораи мақоми омӯзгор» ва Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» шарҳ дода шуда, зарурати таҳкими ҳамкории падару модарон бо муассисаҳои таълимӣ таъкид гардид.
Дар вохӯрӣ масъалаҳои муҳими таълим, аз ҷумла риояи таъмини либоси ягонаи мактабӣ, таъмин будани хонандагон бо китобҳои дарсӣ ва дигар лавозимоти хониш, назорати давомот ва рӯзномадорӣ, иштироки фаъолонаи толибилмон дар озмуну олимпиадаҳои ҷумҳуриявию байналмилалӣ ва фаъол гардонидани падару модарон баррасӣ шуданд.
Таваҷҷуҳи махсус ба эълон гардидани солҳои 2026–2030 ҳамчун “Солҳои фарҳанги китобхонӣ” равона гардида, ҷиҳати беҳтар намудани шароити китобхонаҳои муассисавию ҷамоавӣ ва истифодаи китобҳои электронӣ ибрози назар карда шуд. ЗИРАКИИ СИЁСӢ ВА ХУДШИНОСИИ МИЛЛӢ-ОМИЛИ МУҚОВИМАТ БА ТАҲДИДҲОИ ЗАМОНИ МУОСИР
Ҳамзамон, масъалаҳои эмин нигоҳ доштани насли наврас аз ҷинояту ҷинояткорӣ, шомилшавӣ ба гурӯҳҳои ифротӣ ва дигар амалҳои номатлуб мавриди таҳлили ҷиддӣ қарор гирифтанд.
Таъкид шуд, ки татбиқи “Усули мактаб ба мактаб” бо дастури вазири маориф ва илми Ҷумҳурии Тоҷикистон дар ҳамаи шаҳру ноҳияҳо аз амалӣ гардида, ба иҷрои амалии дастуру супоришҳои Пешвои миллат равона шудааст.
Дар идомаи вохӯрӣ сардори Раёсати маорифи вилояти Хатлон инчунин аз дастуру супоришҳои вазири маориф ва илми Ҷумҳурии Тоҷикистон Саидзода Раҳим ёдовар шуда, зарурати баланд бардоштани масъулияти омӯзгорон ва падару модаронро ҷиҳати бе
Хабарҳои дигар
-
БАРГУЗОРИИ ҶАЛАСАИ НАВБАТИИ ГУРӮҲИ МАОРИФИ МАҲАЛЛӢ (LOCAL EDUCATION GROUP – LEG) 17 феврали соли 2026 дар Вазорати маориф ва илми Ҷумҳурии Тоҷикистон ҷаласаи Гурӯҳи маорифи маҳаллӣ (Local Education Group – LEG) бо иштироки вазири маориф ва илми Ҷумҳурии Тоҷикистон Раҳим Саидзода, муовини якуми вазир, шарикони рушд, сардорони раёсату шуъбаҳои дастгоҳи марказӣ, роҳбарони муассисаҳои тобеъ ва намояндагони созмонҳои байналмилалӣ баргузор гардид. Ҷаласаро вазири маориф ва илм ифтитоҳ намуда, иброз дошт, ки нишасти имрӯза идомаи мантиқии сиёсати пешгирифтаи Ҳукумати Ҷумҳурии Тоҷикистон ҷиҳати такмили низоми таҳсилот, таҳкими ҳамкориҳои байналмилалӣ ва татбиқи таҷрибаҳои муосири идоракунӣ мебошад. Вазири маориф ва илм дар сухани ифтитоҳии худ бо такя ба ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намуд, ки соҳаи маориф самти афзалиятноки сиёсати иҷтимоии давлат буда, сармоягузорӣ ба он сармоягузорӣ ба ояндаи миллат маҳсуб меёбад. Зикр гардид, ки Ҷумҳурии Тоҷикистон ҳамчун узви фаъоли Шарикии глобалӣ дар соҳаи маориф (Global Partnership for Education – GPE) ҳамкориҳои худро бо шарикони рушд дар заминаи принсипҳои ҳамоҳангсозӣ, мутобиқсозӣ ва ҳаммасъулиятӣ ба роҳ мондааст. Платформаи LEG имрӯз ба механизми муҳимми ҳамоҳангсозии сиёсати соҳавӣ ва татбиқи барномаҳои муштарак табдил ёфтааст. Вазир ҳамчунин иброз дошт, ки масъалаҳои калидии рӯзномаи ҷаласа ба такмили идоракунии соҳа, рақамикунонии низоми маориф, таҳкими низоми арзёбӣ, ҷорӣ намудани технологияҳои муосири таълим, рушди фанҳои дақиқ (STEM) ва мутобиқсозии соҳа ба таъсири тағйирёбии иқлим равона гардидаанд. Дар қисмати ифтитоҳии ҷаласа ҳамчунин намояндаи Иттиҳоди Аврупо дар Ҷумҳурии Тоҷикистон хонум Изабел Уриз ва муовини роҳбари намояндагии ЮНИСЕФ дар Ҷумҳурии Тоҷикистон хонум Эри Двиведи суханронӣ намуда, омодагии худро барои идомаи ҳамкориҳои судманд дар самти такмили инфрасохтор, баланд бардоштани сифати таҳсилот ва фароҳам овардани шароити баробари дастрасӣ ба таҳсил изҳор доштанд. Таъкид гардид, ки ҳамкориҳои муштарак бо шарикони рушд ба таҳкими заминаҳои моддию техникӣ, баланд бардоштани иқтидори омӯзгорон ва такмили муҳтавои таҳсилот мусоидат менамояд. Дар идомаи ҷаласа сардори раёсати иқтисод, банақшагирӣ дар соҳаи маориф ва илм А. Хоҷазода оид ба ҳамкориҳои шарикони рушд бо вазорат маълумот пешниҳод намуд. Зикр гардид, ки ҳамоҳангсозии иқдомҳо ва истифодаи самараноки захираҳо омили муҳимми пешбурди ислоҳоти соҳавӣ мебошад. Сардори раёсати илм ва инноватсия А. Раҳмонзода низоми миллии таҳлили аслияти матн ва платформаи электронии eilm.tj-ро муаррифӣ намуда, аҳаммияти онро дар таъмини шаффофият ва баланд бардоштани сифати корҳои илмӣ таъкид кард. Ҳамчунин, сардори шуъбаи низоми ахборотии маориф Н. Убайдуллозода механизми таъмини дастрасии ройгон ё арзон ба платформаҳои тасдиқшудаи LEG, аз ҷумла, marifat.tj ва низоми иттилоотии идоракунии маориф (EMIS)-ро шарҳ дод. Таъкид гардид, ки рақамикунонии соҳа ва татбиқи низоми иттилоотӣ заминаи муҳимми идоракунии самаранок ва қабули қарорҳои асоснок мебошанд. Дар ҷаласа ҳамчунин раванди татбиқи лоиҳаи «Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика» муаррифӣ гардида, масъалаи таҳияи лоиҳаи «Стратегияи миллӣ оид ба мутобиқшавӣ ва пешгирӣ аз таъсири тағйирёбии иқлим ва коҳиш додани оқибатҳои офатҳои табиӣ дар соҳаи маориф» мавриди баррасӣ қарор гирифт. Дар қисмати музокирот иштирокчиён доир ба масъалаҳои баррасишуда андешаҳои худро пешниҳод намуда, зарурати идомаи ҳамкориҳои бисёрҷониба ва татбиқи пешниҳодҳои гурӯҳҳои кориро таъкид карданд. Дар ҷамъбасти ҷаласа иброз гардид, ки натиҷаҳои баррасии имрӯза ба татбиқи самараноки сиёсати маорифпарваронаи давлат, таҳкими ҳамкориҳои байналмилалӣ ва рушди устувори низоми маорифи кишвар заминаи мусоид фароҳам меоранд. Маркази матбуоти Вазорати маориф ва илми Ҷумҳурии Тоҷикистон
25
17.02.2026 -
ЗИРАКИИ СИЁСӢ ВА ХУДШИНОСИИ МИЛЛӢ-ОМИЛИ МУҚОВИМАТ БА ТАҲДИДҲОИ ЗАМОНИ МУОСИР Дар Донишгоҳи давлатии Кӯлоб ба номи Абуабдуллоҳи Рӯдакӣ тибқи Нақшаи баргузории ҳамоишҳои сиёсӣ-маърифатӣ ҳамоиши устодону донишҷӯён таҳти унвони «Зиракии сиёсӣ ва худшиносии миллӣ-омили муқовимат ба таҳдидҳои замони муосир» баргузор гардид. Чорабинӣ дар ҳошияи эълон гардидани соли 2026 ҳамчун «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ», ки дар Паёми Президенти Ҷумҳурии Тоҷикистон ба Маҷлиси Олӣ аз 16 декабри соли 2025 ироа шуд, доир гардид. Дар ҳамоиш ректори донишгоҳ, дотсент Сафарзода Мунир Ватан, доктори илмҳои сиёсӣ Сафарализода Хуҷамурод Қуддусӣ, муовинони ректор, раёсатҳои факултетҳо, намояндагони мақомоти ҳифзи ҳуқуқ ва ҳайати омӯзгорону донишҷӯён иштирок доштанд. Ректори донишгоҳ, дотсент Сафарзода Мунир Ватан зимни сухани ифтитоҳӣ меҳмононро ба ин боргоҳи илму маърифат хайрамақдам гуфта, таъкид намуд, ки эълон гардидани соли 2026 ҳамчун «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ» марҳилаи муҳими татбиқи амалии сиёсати давлатӣ дар самти таҳкими пояҳои маънавию идеологии ҷомеа ба ҳисоб меравад. Дар ин масир, баргузории ҳамоишҳои сиёсӣ-маърифатӣ иқдоми саривақтӣ ва зарурӣ буда, ба татбиқи ҳадафмандонаи дастуру ҳидоятҳои Роҳбарияти олии кишвар, тақвияти ҳисси ватандӯстӣ, арҷгузорӣ ба арзишҳои миллӣ ва баланд бардоштани масъулияти шаҳрвандӣ мусоидат менамояд. Ҳамзамон зикр гардид, ки дар замони соҳибистиқлолӣ бо роҳнамоии сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъалаи таҳкими худшиносӣ ва ҳифзи арзишҳои миллӣ ба самти меҳварии сиёсати давлатӣ табдил ёфтааст. Таъкид шуд, ки худогоҳии миллӣ ва зиракии сиёсӣ метавонанд ҷомеаро аз таъсири андешаҳои ифротӣ, таблиғоти ғаразнок, ҷангҳои иттилоотӣ ва дигар таҳдидҳои идеологию фарҳангии замони муосир эмин нигоҳ доранд. Дар идома доктори илмҳои сиёсӣ Сафарализода Хуҷамурод дар мавзуи «Зиракии сиёсӣ ва худшиносии миллӣ-омили муқовимат ба таҳдидҳои замони муосир» маърӯзаи пурмуҳтаво намуд. Зимни баромад зиракии сиёсиро ҳамчун унсури муҳими ташаккули ҷомеаи фаъоли шаҳрвандӣ арзёбӣ карда, иброз дошт, ки дар шароити ҷаҳонишавӣ, бархӯрди манфиатҳо ва густариши фазои иттилоотӣ ҳар як шаҳрванди огоҳ бояд қобилияти таҳлили воқеаҳо, фарқгузорӣ миёни ахбори саҳеҳ ва бардурӯғ ва ҳифзи манфиатҳои миллиро доро бошад. Ҳамчунин таъкид намуданд, ки худшиносии миллӣ пояи устувори ваҳдати миллӣ, суботи сиёсӣ ва рушди устувори давлат маҳсуб меёбад. Дар шароити ҷаҳони пуртазоди имрӯза муттаҳид гардидани ҷомеа дар атрофи сиёсати пешгирифтаи Ҳукумати кишвар ва Президенти Ҷумҳурии Тоҷикистон муҳтарам Эмомалӣ Раҳмон, садоқат ба марзу буми Ватан, гиромидошти арзишҳои милливу соҳибдавлатӣ ва иҷрои содиқонаи вазифаҳои касбӣ аз ҷумлаи омилҳои муҳими муқовимат ба таҳдидҳои замони муосир мебошанд. Маърӯзачӣ инчунин ба масъулияти аҳли зиё, бахусус омӯзгорону донишҷӯён, дар тарбияи насли худогоҳу ватандӯст ишора намуда, зикр кард, ки маҳз муҳити донишгоҳӣ метавонад майдони ташаккули андешаи мустақил, ҷаҳонбинии васеъ ва эҳсоси баланди масъулиятшиносӣ гардад. Дар қисмати музокирот дотсентон Муродова Гулчеҳра ва Холиқзода Сафар баромад намуда, андешаҳои худро доир ба мавзуи баррасишуда баён карданд. Онҳо зарурати ташкили мунтазами чунин ҳамоишҳоро барои баланд бардоштани сатҳи донишҳои сиёсӣ, таҳкими худшиносии миллӣ ва рушди тафаккури солим дар миёни ҷавонон муҳим арзёбӣ намуданд. Дар фарҷом изҳори умед карда шуд, ки андешаҳои пешниҳодгардидаи устодон ва мубодилаи афкор дар шарҳи равандҳои муосири сиёсӣ ва нақши худшиносии миллӣ дар таҳкими давлатдорӣ барои иштирокчиён судманд буда, ба баланд гардидани масъулияти шаҳрвандӣ ва саҳмгузорӣ дар рушду пешрафти Тоҷикистони азиз мусоидат хоҳад кард.
22
16.02.2026 -
КӮШОНИЁН: САФАРИ КОРӢ БО ҲАДАФИ ШИНОСОӢ АЗ РАФТИ КОРҲОИ ОБОДОНИЮ СОЗАНДАГӢ ВА СОХТМОНИ ИНШООТИ ҶАШНӢ 14 феврали соли 2026 вазири маориф ва илми Ҷумҳурии Тоҷикистон ва намояндаи Ҳукумати Ҷумҳурии Тоҷикистон дар ноҳияи Кӯшониён Раҳим Саидзода бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин дар доираи тадбирҳо ҷиҳати вусъат бахшидани корҳои ободонию созандагӣ ва омодагии ҳамаҷониба ба ҷашни 35-солагии Истиқлоли давлатии Ҷумҳурии Тоҷикистон ва Ҷашни байналмилалии Наврӯз, ба ноҳияи Кӯшониён сафари корӣ анҷом дод. Дар доираи сафар вазири маориф ва илм ҳамроҳ бо раиси ноҳияи Кӯшониён Холзода Муҳаммадшариф, роҳбарияти мақомоти маҳаллӣ ва масъулини соҳаи маориф аз рафти корҳои ободонию бунёдкорӣ ва сохтмони як қатор иншооти ҷашнӣ, аз ҷумла иншооти соҳаи маориф ва манзилҳои истиқоматӣ боздид ба амал оварданд. Зимни сафар таъкид гардид, ки корҳои созандагию ободонӣ дар партави сиёсати хирадмандонаи Пешвои муаззами миллат муҳтарам Эмомалӣ Раҳмон дар саросари кишвар густариш ёфта, ба беҳтар гардидани сатҳи зиндагии аҳолӣ ва рушди устувори соҳаҳои иҷтимоӣ, бахусус маориф, заминаи мусоид фароҳам меоранд. Нахуст, ҳайати расмӣ аз рафти сохтмони синфхонаҳои иловагӣ дар Муассисаи таҳсилоти миёнаи умумии №42-и ҷамоати деҳоти Орён, деҳаи Қаҳрамон дидан намуданд. Ба вазир иттилоъ дода шуд, ки бунёди синфхонаҳои иловагӣ бо мақсади фароҳам овардани шароити мусоиди таҳсил ва бартараф намудани норасоии ҷойи нишаст роҳандозӣ гардида, бо дастгирии соҳибкорони маҳаллӣ ва сокинони деҳа амалӣ шуда истодааст. Вазири маориф ва илм зимни шиносоӣ аз ҷараёни корҳои сохтмонӣ барои саҳми арзандаи соҳибкорон ва сокинони маҳал дар рушду пешрафти соҳаи маориф изҳори сипос намуда, таъкид кард, ки чунин ташаббусҳои ватандӯстона далели равшани пуштибонии ҷомеа аз сиёсати созандаи давлату Ҳукумат ва таваҷҷуҳи хос ба насли наврасу ҷавон мебошад. Ҳамзамон, ҷиҳати анҷом додани корҳои сохтмонӣ бо сифати баланд ва дар муҳлатҳои муқарраршуда ба масъулин дастуру супоришҳои мушаххас дода шуд. Дар идомаи сафари корӣ вазири маориф ва илм аз рафти сохтмони биноҳои баландошёнаи истиқоматӣ, ки аз ҷониби соҳибкорон дар ҷамоати шаҳраки Сомониён бунёд гардида истодаанд, боздид намуд. Қайд карда шуд, ки вусъати корҳои бунёдкорӣ ва ободонӣ дар ноҳия дар доираи эълон гардидани соли 2026 ҳамчун “Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ” ба таври назаррас афзоиш ёфта, симои шаҳраку деҳот тадриҷан зеботар мегардад. Ҳамчунин, ҳайати расмӣ аз рафти сохтмони биноҳои иловагӣ дар назди Муассисаи таҳсилоти миёнаи умумии №16 дар ҷамоати деҳоти Навбаҳор, деҳаҳои Наврӯз ва Бӯстон шиносоӣ пайдо намуданд. Иттилоъ дода шуд, ки бинои иловагӣ аз 20 синфхона барои 500 ҷойи нишаст иборат буда, бо ташаббус ва маблағгузории Кумитаи падарону модарон бунёд мегардад. Ин иқдом ҳамчун намунаи ҳамкории самараноки ҷомеа ва муассисаҳои таълимӣ арзёбӣ гардида, ба беҳтар гардидани инфрасохтори таълимӣ ва баланд бардоштани сифати таҳсил мусоидат хоҳад кард. Зимни мулоқот бо масъулин ва сохтмончиён таъкид гардид, ки бунёди синфхонаҳои иловагӣ ва иншооти таълимӣ дар арафаи ҷашнҳои муҳимми давлатӣ, аз ҷумла 35-солагии Истиқлоли давлатӣ ва Ҷашни байналмилалии Наврӯз, нишонаи равшани эҳтиром ба арзишҳои миллӣ, рушди соҳаи маориф ва тарбияи насли худшиносу ватандӯст мебошад. Соҳибкорони маҳаллӣ зимни суҳбат иброз доштанд, ки дар партави сиёсати маорифпарваронаи роҳбарияти олии кишвар омодаанд дар назди муассисаҳои таълимии ноҳия то 10 синфхонаи иловагӣ бунёд намоянд. Ин ташаббус аз ҷониби вазири маориф ва илм ҳамчун иқдоми шоиста ва намунаи баланди масъулияти иҷтимоӣ арзёбӣ гардид. Дар фарҷоми сафар вазири маориф ва илм таъкид намуд, ки бо дастгирии пайвастаи давлату Ҳукумат, таваҷҷуҳи хосаи Пешвои миллат ба соҳаи маориф, инчунин саҳми фаъолонаи мақомоти маҳаллӣ ва соҳибкорон, корҳои ободонию созандагӣ дар ноҳияи Кӯшониён боз ҳам вусъат ёфта, барои дар сатҳи баланд истиқбол гирифтани ҷашни 35-солагии Истиқлоли давлатии Ҷумҳурии Тоҷикистон, таҷлили бошукӯҳи Наврӯзи байналмилалӣ ва рушди устувори инфрасохтори иҷтимоӣ, бахусус муассисаҳои таълимӣ, заминаи мусоид фароҳам оварда мешавад.
22
14.02.2026
