05.08.2026
Рӯзҳои 4-5 августи соли 2026 дар Муассисаи давлатии таълимии «Литсей барои хонандагони болаёқат дар шаҳри Душанбе» бо иштироки 20 нафар омӯзгор семинарҳои омӯзишӣ дар самти таҳсилоти рақамӣ баргузор гардиданд.
Омӯзишҳо бо ташаббуси Вазорати маориф ва илми Ҷумҳурии Тоҷикистон ва Идораи маорифи шаҳри Сеҷонги Ҷумҳурии Корея дар доираи татбиқи амалии Ёддошти тафоҳуми байни ҷонибҳо, ки 24 июни соли 2025 дар шаҳри Душанбе ба имзо расида буд, ташкил карда шуданд.
Маросими ифтитоҳи семинарҳоро намояндагони Вазорати маориф ва илми Ҷумҳурии Тоҷикистон оғоз бахшида, аҳаммияти ҳамкории Тоҷикистону Кореяро дар самти рушди таҳсилоти рақамӣ, такмили маҳорати касбии омӯзгорон ва ҷорӣ намудани технологияҳои муосир дар раванди таълим таъкид намуданд.
Зикр гардид, ки ҳамкории мазкур барои табодули таҷрибаи пешқадам, азхудкунии усулҳои муосири таълим, рушди малакаҳои рақамии омӯзгорон ва истифодаи самараноки воситаҳои технологӣ дар муассисаҳои таълимӣ заминаи мусоид фароҳам меорад.
Машғулиятҳоро мутахассисону омӯзгорони Ҷумҳурии Корея баргузор намуда, ба иштирокчиён доир ба истифодаи технологияҳои рақамӣ дар таълим, барномасозӣ, воситаҳои муосири EduTech, имкониятҳои зеҳни сунъӣ ва усулҳои инноватсионии ташкили дарс маълумоти назариявию амалӣ пешниҳод намуданд.
Дар ҷараёни семинарҳо иштирокчиён бо таҷрибаи низоми маорифи Ҷумҳурии Корея дар самти рақамикунонии раванди таълим шинос гардида, роҳҳои истифодаи технологияҳои навин, таҳияи машғулиятҳои интерактивӣ ва баланд бардоштани самаранокии таълимро мавриди омӯзиш қарор доданд.
Бояд тазаккур дод, ки моҳи августи соли 2025 дар доираи ҳамин ҳамкорӣ 30 нафар омӯзгор аз Ҷумҳурии Тоҷикистон дар омӯзишҳои байналмилалии «KLIC LEAD Global Workshop 2025» дар шаҳри Сеҷонги Ҷумҳурии Корея иштирок намуда буданд. Баргузории семинарҳои навбатӣ дар шаҳри Душанбе идомаи мантиқии ин ташаббус ва қадами муҳим дар самти густариши татбиқи амалии Ёддошти тафоҳум ба ҳисоб меравад.
Интизор меравад, ки омӯзгорони иштирокчӣ дониш ва малакаҳои андӯхтаи худро дар фаъолияти минбаъдаи касбӣ истифода намуда, таҷрибаи ҳосилшударо миёни ҳамкасбон паҳн намоянд ва дар рушди муҳити муосири рақамии муассисаҳои таълимии кишвар саҳм гузоранд.
Ҳамкории Вазорати маориф ва илми Ҷумҳурии Тоҷикистон бо Идораи маорифи шаҳри Сеҷонги Ҷумҳурии Корея ба таҳкими муносибатҳои байналмилалӣ дар соҳаи маориф, баланд бардоштани сифати таҳсилот ва омода намудани омӯзгорон ба талаботи замони рақамӣ мусоидат менамояд.
Маркази матбуоти
Вазорати маориф ва илми
Ҷумҳурии Тоҷикистон
Хабарҳои дигар
-
«ҶИЛОИ ИСТИҚЛОЛ» - ЧОРАБИНИИ ФАРҲАНГИЮ ФАРОҒАТӢ БАХШИДА БА 35-СОЛАГИИ ИСТИҚЛОЛИ ДАВЛАТӢ Бо ташаббуси Академияи идоракунии давлатии назди Президенти Ҷумҳурии Тоҷикистон дар Боғи фарҳангию фароғатии ба номи Садриддин Айнии пойтахт бахшида ба ҷашни 35-солагии Истиқлоли давлатии Ҷумҳурии Тоҷикистон чорабинии фарҳангию фароғатӣ таҳти унвони «Ҷилои Истиқлол» баргузор гардид. Дар чорабинӣ роҳбарият, омӯзгорону кормандони академия иштирок намуда, тавассути барномаи рангини фарҳангӣ, суруду таронаҳои ватандӯстона ва фазои идона дастовардҳои даврони соҳибистиқлолӣ ва арзишҳои миллӣ таҷассум ёфтанд. Ҳадафи баргузории чорабинӣ таҳкими ҳисси ватандӯстӣ, арҷгузорӣ ба дастовардҳои даврони истиқлол ва саҳмгузорӣ дар тарғиби арзишҳои миллӣ миёни ҷомеа арзёбӣ гардид.
9
06.08.2026 -
ЧОРАБИНИИ ФАРҲАНГӢ БА ИФТИХОРИ 35-СОЛАГИИ ИСТИҚЛОЛИ ДАВЛАТӢ Шоми 4 августи соли 2026 дар доираи Нақшаи чорабиниҳои Вазорати маориф ва илми Ҷумҳурии Тоҷикистон бахшида ба ҷашни 35-солагии Истиқлоли давлатии Ҷумҳурии Тоҷикистон ва бо ибтикори раёсати Донишгоҳи байналмилалии сайёҳӣ ва соҳибкории Тоҷикистон дар Боғи фарҳангӣ-фароғатии ба номи Куруши Кабири шаҳри Душанбе чорабинии фарҳангӣ баргузор гардид. Дар чорабинӣ барномаи рангини фарҳангӣ иборат аз суруду таронаҳои ватандӯстона ва дилнишин пешкаши сокинону меҳмонони пойтахт гардида, фазои идона ва руҳияи баланди миллӣ фароҳам овард. Баргузории чунин чорабиниҳо дар доираи таҷлили ҷашни 35-солагии Истиқлоли давлатии Ҷумҳурии Тоҷикистон ба таҳкими эҳсоси ватандӯстӣ, худшиносии миллӣ, арҷгузорӣ ба дастовардҳои даврони соҳибистиқлолӣ ва тарғиби арзишҳои фарҳангии миллӣ миёни ҷавонон мусоидат менамояд.
31
05.08.2026 -
ҶАЛАСАИ КОРӢ ВОБАСТА БА ИҶРОИ ДАСТУРУ СУПОРИШҲОИ ПЕШВОИ МИЛЛАТ МУҲТАРАМ ЭМОМАЛӢ РАҲМОН 5 августи соли 2026 дар Донишкадаи ҷумҳуриявии такмили ихтисос ва бозомӯзии кормандони соҳаи маориф ҷаласаи корӣ таҳти раёсати муовини вазири маориф ва илми Ҷумҳурии Тоҷикистон Илҳомуддин Иброҳимзода баргузор гардид. Дар ҷаласа сардорони воҳидҳои сохтории Вазорати маориф ва илм, роҳбарону намояндагони муассисаҳои таҳсилоти олии касбӣ ба таври ҳузурӣ ва маҷозӣ иштирок намуданд. Муовини вазири маориф ва илм зимни суханронӣ таъкид намуд, ки соҳаи маориф таҳти таваҷҷуҳи доимии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, татбиқи саривақтии дастуру супоришҳои роҳбарияти олии мамлакат, баланд бардоштани сифати таҳсилот ва омодагии ҳамаҷониба ба соли нави таҳсил аз вазифаҳои афзалиятноки соҳа мебошанд. Дар ҷаласа масъалаҳои омодагии муассисаҳои таҳсилоти олии касбӣ ба соли нави таҳсил, иҷрои нақшаи қабули донишҷӯён пас аз тақсимоти Маркази миллии тестӣ, таҷдиди Стандарти давлатии таҳсилоти олии касбӣ ва нақшаву барномаҳои таълимӣ, омода намудани омӯзгорони самти илмҳои табиатшиносӣ, дақиқ ва риёзӣ, таъсиси ихтисосҳо дар самти зеҳни сунъӣ, технологияҳои иттилоотӣ ва низоми дуалии таҳсил, рушди аккредитатсияи байналмилалӣ, густариши ҳамкориҳои байналмилалӣ ва ҷалби донорҳо, тарбияи идеологӣ, татбиқи барномаҳои фарҳангӣ, инчунин иҷрои қарори ҳайати мушовараи Вазорати маориф ва илми Ҷумҳурии Тоҷикистон аз 14 июли соли 2026, №10 «Оид ба ҷамъбасти фаъолияти Вазорати маориф ва илми Ҷумҳурии Тоҷикистон дар нимсолаи якуми соли 2026 ва вазифаҳо то охири сол» мавриди баррасӣ қарор гирифтанд. Ҳамзамон, иштирокчиён бо омодагии Донишкадаи ҷумҳуриявии такмили ихтисос ва бозомӯзии кормандони соҳаи маориф барои оғози курсҳои такмили ихтисос шинос гардида, аз синфхонаҳо ва маҷмӯи маводи таълимӣ боздид намуданд. Зикр гардид, ки тамоми маводи таълимӣ мутобиқ ба талаботи муосир таҳия гардида, ҳам дар шакли электронӣ ва ҳам чопӣ омода мебошад. Ректори донишкада Н. Мирзозода зимни муаррифии маҷмӯи маводи таълимӣ иброз дошт, ки аз 10 августи соли 2026 курсҳои такмили ихтисос бо истифода аз низоми модулӣ оғоз гардида, барои ҳамаи шунавандагон маводи таълимӣ пешакӣ омода шудааст. Ба гуфтаи ӯ, Донишкада ва филиалҳои он барои қабули шунавандагон пурра омода буда, таҷрибаи ҷорӣ намудани таҳсилоти ба салоҳият асосёфтаро минбаъд низ густариш хоҳанд дод. Дар анҷоми ҷаласа ба роҳбарони воҳидҳои сохторӣ ва муассисаҳои таҳсилоти олии касбӣ ҷиҳати иҷрои саривақтии вазифаҳои гузошташуда, таъмини омодагии босифат ба соли нави таҳсил ва татбиқи пурраи дастуру супоришҳои роҳбарияти олии мамлакат супоришҳои мушаххас дода шуданд.
50
05.08.2026
