17.01.2025
17 январ дар бинои Ҳукумати Ҷумҳурии Тоҷикистон таҳти раёсати Президенти Ҷумҳурии Тоҷикистон, Пешвои миллат, Раиси Ҳукумати кишвар муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон оғоз гардид.
Дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳомӣ, рӯзномаю маҷаллаҳои расмӣ ва дигар шахсони масъул иштирок доранд.
Дар маҷлиси васеи Ҳукумати Ҷумҳурии Тоҷикистон натиҷаҳои рушди иҷтимоию иқтисодии кишвар дар соли 2024 муфассал баррасӣ гардида, вазифаҳои асосӣ барои соли 2025 муайян карда мешаванд.
Хабарҳои дигар
-
Ифтитоҳи фосилавии ду иншоот ва муаррифии лоиҳаҳои се иншоот дар деҳоти Ғиҷоваки ноҳияи Данғара Пас аз боздид аз муассисаи таҳсилоти томактабии Зирамоҳ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар саҳни кӯдакистон ба таври фосилавӣ бо рафти корҳои ободониву созандагӣ дар деҳаи Ғиҷовак шинос шуданд. Нахуст, Сарвари давлат муҳтарам Эмомалӣ Раҳмон бинои иловагии таълимиро дар назди муассисаи таҳсилоти миёнаи умумии №23 ба истифода доданд. Бинои нав барои 480 хонанда дар ду баст пешбинӣ гардида, аз 13 синфхона иборат мебошад. Синфхонаҳои иловагӣ асосан барои хонандагони синфҳои ибтидоӣ сохта шудаанд. Дар муассиса 17 омӯзгор ба таълиму тарбияи хонандагон машғул мебошанд. Ба истифода додани бинои иловагии таълимӣ имкониятҳои муассисаро васеъ намуда, барои таҳсили хонандагон дар шароити муносиб заминаи мусоид фароҳам меорад. Ҳамчунин, Пешвои миллат муҳтарам Эмомалӣ Раҳмон ба таври фосилавӣ аз ҳолати роҳҳои ҳудуди деҳаи Ғиҷовак шинос шуданд. Дар доираи корҳои ободониву созандагӣ бо саҳми соҳибкорони маҳаллӣ роҳҳои ҳудуди деҳа ба масофаи 8 километр мумфарш карда шудаанд. Дар идома ба Пешвои миллат муҳтарам Эмомалӣ Раҳмон лоиҳаҳои бинои хобгоҳ барои омӯзгорон, Қасри фарҳанг ва Маҷмааи варзиш, ки аз меҳмонхона, ошхона, ҳуҷраҳои варзишӣ ва майдончаҳо барои бозии футбол волейбол ва баскетбол сохта мешаванд, муаррифӣ карда шуд. Бинои хобгоҳ аз панҷ ошёна иборат буда, барои истиқомати 9 оила пешбинӣ шудааст. Бунёди он барои беҳтар намудани шароити иҷтимоиву маишии омӯзгорон ва таъмини онҳо бо манзили зисти муносиб равона гардидааст. Фароҳам овардани чунин шароит барои ҷалби мутахассисони соҳаи маориф ва фаъолияти самараноки онҳо дар маҳал заминаи мусоид фароҳам меорад. Ба Сарвари давлат муҳтарам Эмомалӣ Раҳмон иттилоъ дода шуд, ки Қасри фарҳанг дар қисмати болоии деҳа сохта шуда, дорои толор бо 500 ҷойи нишаст, 8 ҳуҷраи корӣ ва китобхона хоҳад буд. Иншоот барои баргузории чорабиниҳои фарҳангиву маърифатӣ пешбинӣ гардидааст. Ҳамчунин Пешвои миллат муҳтарам Эмомалӣ Раҳмон бо лоиҳаи бунёди Маҷмааи варзиш, меҳмонхона, ошхона ва майдончаҳои варзишӣ дар деҳаи Ғиҷовак шинос шуданд. Иншооти мазкур барои ҷалби наврасону ҷавонон ба варзиш, тарғиби тарзи ҳаёти солим ва рушди намудҳои гуногуни варзиш пешбинӣ шуда, барои баргузории машғулиятҳо ва чорабиниҳои варзишӣ имкониятҳои зарурӣ фароҳам меоранд. Роҳбари давлат ба масъулин дастур доданд, ки бинои хобгоҳи омӯзгорон ва Қасри фарҳанг дар муҳлати як сол ва Маҷмааи варзишӣ, меҳмонхона, ошхона ва майдончаҳои варзишӣ барои бозии футбол, волейбол ва баскетбол дар ду соли оянда бунёд гардида, мавриди истифода қарор дода шаванд. Татбиқи ин лоиҳаҳо ва идомаи корҳои ободониву созандагӣ дар деҳаи Ғиҷовак ба рушди инфрасохтори маҳал, беҳтар гардидани сатҳи хизматрасониҳои иҷтимоӣ ва фароҳам овардани шароити арзандаи зиндагӣ барои сокинон мусоидат хоҳад кард. Дар доираи сафари кории Пешвои миллат муҳтарам Эмомалӣ Раҳмон ба шаҳру ноҳияҳои вилояти Хатлон дар ноҳияи Данғара 24 иншооти иҷтимоию иқтисодӣ мавриди истифода қарор дода шуд. Аз ҷумла, се муассисаи таҳсилоти томактабӣ барои 1000 кӯдак, чор корхонаи истеҳсолӣ бо 63 ҷойи корӣ, панҷ хонаи истиқоматӣ барои омӯзгорон, маркази хизматрасонӣ, пули мошингузар дар деҳаи Сафедоб, муассисаи таҳсилоти миёнаи умумӣ барои 1620 хонанда дар ду баст, хатти оби нӯшокӣ барои 531 хоҷагӣ, қасри фарҳанг ва ду майдончаи варзишӣ ба истифода дода шуданд. Ҳамчунин, 16 километр роҳи дохили деҳаи Сафедоб, 8 километр роҳи ҳудуди деҳаи Ғиҷовак ва бинои иловагӣ барои хонандагони синфҳои ибтидоӣ ба истифода дода шуд. Бо ташаббуси соҳибкорони ҳимматбаланди ноҳия дар маҷмӯъ 58 километр роҳҳои дорои аҳамияти маҳаллӣ ва ҷумҳуриявӣ таъмиру мумфарш карда шуд.
26
27.08.2026 -
Ифтитоҳи муассисаи таҳсилоти томактабии Орзу дар деҳаи Сафедоби ноҳияи Данғара Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар идомаи сафари корӣ дар деҳаи Сафедоби ноҳияи Данғара муассисаи таҳсилоти томактабии Орзуро мавриди истифода қарор доданд. Иншооти навсохт дар деҳаи Сафедоб ягона муассисаи томактабӣ ба шумор меравад, ки бо ҳадафи амалӣ сохтани дастурҳои Роҳбари давлат ҷиҳати ба таълиму тарбияи томактабӣ фаро гирифтани насли наврас бунёд шуда, барои 300 кӯдак пешбинӣ гардидааст . Бинои хуштарҳу замонавӣ ба истиқболи ҷашни 35-солагии истиқлоли давлатӣ аз ҷониби оилаи Рауфзодаҳо бо истифодаи масолеҳи босифати сохтмонӣ сохта шуда, дорои 9 синфхонаи барҳавои таълимӣ, хобгоҳ, толори мусиқӣ, ошхона, нуқтаҳои хизматрасонии тиббӣ ва ёрирасон мебошад. Дар ҳамин ҷо Президенти кишвар бо аввалин тарбиятгирандагони ин даргоҳи илму маърифат суҳбат карда, масъулонро ба тарбияи дурусти кудакон ва истифодаи шароити фароҳамшуда ҳидоят намуданд. Барои тарбияи кудакон, парасторони дорои таҷрибаи баланд ва донандаи забонҳои хориҷӣ ҷалб шудаанд ва раванди таълим бо забонҳои тоҷикӣ ва русиву англисӣ сурат мегирад. Роҳбари давлат иқдоми оилаи Рауфзодаҳоро барои бунёди кӯдакистон ва дигар иншооти хизматрасонӣ намунавӣ ва дар рушди ояндаи соҳа муҳим арзёбӣ карданд. Ҳамаи синфхона ва ҳуҷраҳои кории бино дар баробари пайваст шудан бо системаи ягонаи гармидиҳӣ, ҳамзамон бо таҷҳизоту лампаҳои каммасрафи барқӣ таъмин аст. Дар доираи корҳои ободонӣ дар атрофи бино айвону нишастгоҳҳо ва майдончаи бозӣ барои кӯдакон бо тарҳи муосиру ҷавобгӯи талабот бунёд шудааст. Соҳибкорони ноҳияи Данғара дар амали сохтани сиёсати созандаи Пешвои муаззами миллат, мактаби садоқату боварӣ барои фардои дурахшон, таъмини зиндагии шоита барои насли имрӯзу фардо ва дар самти эҳсоси баланди хештаншиносиву худогоҳӣ, ватандустиву раиятпарварӣ намураи ибрат гардиданд. Танҳо дар доираи сафари корӣ дар марказ ва деҳоти ноҳия 3 муассисаи таҳсилоти томактабӣ бо фарогирии 1000 кудак бе ҷалби маблағҳои буҷетӣ бо дастгирии соҳибкорон ба истифода дода шуда, ҳоло сохтмони 5 кудакистони дигар идома дорад. Аз соли 2024 то ин давра зиёда аз 10 муассисаи томактабӣ барои 3000 кудак сохта шудааст, ки ин намунаи олии дастгирии соҳибкорону шахсони ватандусти ноҳия аз ташаббуҳои созандаи Роҳбари давлат нисбат ба насли ояндаи кишвар шаҳодат медиҳад.
21
27.08.2026 -
Ифтитоҳи фосилавии 10 иншооти нав дар деҳаи Сафедоби ноҳияи Данғара Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон пас аз ифтитоҳи кӯдакистони Орзу ба таври фосилавӣ 10 иншооти нави иҷтимоӣ ва хизатрасонӣ, аз ҷумла 16 километр роҳи деҳаи Сафедобро ифтитоҳ намуданд. Маҷмуи иншооти навсохтро роҳу пул, иншооти иҷтимоӣ, хизматрасонӣ ва варзишӣ ташкил медиҳад, ки ҳамаи он аз ҷониби соҳибкорон ва сокинони ватандусти ноҳияи Данғара бе ҷалби маблағҳои буҷетӣ бунёд шудааст. Дар ҳамин ҷо нахуст ба Роҳбари давлат роҳи 16 километраи деҳаи Сафедоб ва роҳҳои асфалтпуши деҳаҳои Остона, Сафоруд, Ғиҷовак, Хуррамзамин, Рахшонзамин, Калкот, Раҳмониён, маҳаллаи 15, шаҳраки Данғара ва пули навсохти деҳаи Сафедоб муаррифӣ шуд. Дар маҷмуъ дар рӯзи сафари кории Пешвои миллат ба ноҳияи Данғара бо саҳми соҳибкорони ноҳияи Данғара 55 километр роҳҳҳои марказӣ ва деҳаҳои дурдаст мавриди истифода қарор дода шуд ва барои таъмини шароити созгори мардум имконоти мусоиди хизматрасонӣ фароҳам гардид. Иттилоъ дода шуд, ки ҳаҷми корҳои мумфаршкунии роҳҳои дохилӣ то охири ҳамин сол ба 100 километр расонда мешавад. Ин ҳама, бо саҳми соҳибкорон ва шахсони ватандусти ноҳия анҷом дода хоҳад шуд. Бо бунёди 16 километр роҳи дохилии деҳаи Сафедор мушкилоти чандинсолаи сокинон бартараф ва сатҳи хизматрасонӣ ба аҳолӣ беҳтар гардонида шуд. Бо амалӣ сохтани тадбирҳои созанда роҳҳои деҳаи Талхоби деҳоти Сафобахш аз ҷониби оилаи Ҷамиловҳо ба масофаи зиёда аз 1 километр пурра мумфарш гардид ва ду шафати он бо истифода аз панелҳои офтобӣ пурра ҷароғон гардид. Амалисозии тадбирҳои созандаи соҳибкорони ноҳияи Данғара беҳбудиро дар рафтуомади мусофирон ва таъмини ҳифзи иҷтимоии аҳолӣ фароҳам сохт. Иншооти дигари иҷтимоӣ, ки дар ин ҷо ба таври фосилавӣ ба Роҳбари давлат муаррифӣ карда шуд, ифтитоҳи 5 хонаи истиқоматӣ барои омузгорон, марказҳои хизматрасонӣ, қасри фарҳанг, хатти оби нӯшокӣ барои 531 хоҷагӣ бо обанбори ғунҷоишаш 2500 метри мукааб об, муассисаи таҳсилоти миёнаи умумии рақами 87 барои 540 хонанда дар ду баст ва ду майдончаи варзишӣ дар деҳаи Сафедоб буд. Дар деҳаи мазкур барои ҷалби омӯзгорони ҷавон ба тарбияи насли наврас аз ҷониби хоҷагии деҳқонии Боборауф бинои дуошёна сохта шуд, ки дар он 5 хонаи истиқоматӣ барои омӯзгорони ҷавон ва 4 нуқтаи нави савдо ҷойгир аст. Бо ба истифода додани иншооти нав 10 сокини деҳа бо кор таъмин шуданд. Сокинон ва соҳибкорони деҳаи Сафедоб ба истиқболи ҷашни 35- солагии истиқлоли давлатӣ ба масъалаи ҳалли мушкилоти иҷтимоӣ, аз ҷумла таъмини аҳолӣ бо оби нӯшокӣ, рушди инфрасохтори деҳот, ҷалби ҷавонон ба тарзи ҳаёти солим ва бунёди синфхонаҳо ва муҷаҳазсозии онҳо бо таҷҳизоту технологияи муосир тадбирҳои зарурӣ амалӣ намуда, натиҷаҳоро афзун мегардонанд. Дар ҳамин рӯз варзишгоҳи нав барои машғул шудани ҷавонон ба бозии футбол ва дарёфти бозингарони соҳибистеъдод мавриди истифода қарор дода шуд. Иншоот бо саҳми сокини деҳаи Сафедор Ҷамшед Рауфзода дар пайравӣ ба иқдомҳои Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар масоҳати зиёда аз 1000 метри мураббаъ сохта шудааст, ки минбаъд сокинон, хоса ҷавонони деҳа, метавонанд вақтҳои холигии худро ба варзиш сарф кунанд. Дар ҳамин ҷо ба хотири ташрифи Пешвои миллат аз ҷониби 70 хоҷагии деҳқонии деҳаи Сафедор намоиши маҳсулоти кишоварзӣ доир карда шуд. Фаровонии маҳсулоти кишоварзӣ натиҷа аз заҳмати софдилона бо замин ва фаъолияти самарабахши деҳқонон аст. Кооперативи тиҷоратии Боборауф яке аз хоҷагиҳои фаъол дар деҳаи Сафедор ба ҳисоб рафта, саҳмдоронаш бо заҳмати софдилона, дар фаровонии маҳсулоти кишоварзӣ ва таъмини аҳолӣ бо маҳсулоти гушту шир саҳми арзанда мегузоранд. Кооперативи тиҷоратии Боборауф серсоҳа буда, ҳамасола аз 254 гектар замини корам, ҳосили хуб ба даст меоранд ва аз ҳисоби даромади хоҷагӣ дар ободии зодгоҳашон, деҳаи Сафедор саҳми арзанда мегузоранд.
22
27.08.2026
