ЭМОМАЛӢ РАҲМОН
АСОСГУЗОРИ СУЛҲУ ВАҲДАТИ МИЛЛӢ-ПЕШВОИ МИЛЛАТ
ВАЗОРАТИ МАОРИФ ВА ИЛМИ ҶУМҲУРИИ ТОҶИКИСТОН
Хабарҳо
Ҳамаи хабарҳо
-
Ифтитоҳи маҷозии 2 муассисаи тандурустӣ, 1 бонк, 4 муассисаи таҳсилоти миёнаи умумӣ ва 3 кӯдакистон дар шаҳри Истаравшан 19 ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба таври фосилавӣ 2 муассисаи тандурустӣ, 1 бонк, 4 муассисаи таҳсилоти миёнаи умумӣ ва 3 кӯдакистонро дар шаҳри Истаравшан мавриди истифода қарор доданд. Ин 10 иншоот ба рушди таҳсилот, хизматрасониҳои босифати тиббиву бонкӣ заминаи мусоид мегузоранд. Ба Пешвои миллат иттилоъ доданд, ки бинои нави Маркази ташхисию табобатии хусусии Салоҳиддин аз 5 ошёна иборат буда, бо риояи талабот ва меъёрҳои сохтмонӣ аз ҷониби соҳибкори ватанӣ Машҳура Ҳайдарова бунёд шудааст. Дар Маркази нави ташхисӣ 35 мутахассиси соҳа ба кор таъмин гардиданд. Ҳамзамон Маркази офиятбахшӣ ва солимгардонии Хушвахт низ аз ҷониби соҳибкори маҳаллӣ Хушбахт Бафоев сохта шудааст, ки бо се ошёна дорои 8 ҳуҷраи кории муҷаҳҳаз мебошад. Дар иншооти мазкур 15 нафар бо кор таъмин гардиданд. Инчунин бинои навтаъсиси филиали Корхонаи воҳиди давлатии Саноатсодиротбонк дар шаҳри Истарвшан аз ҷониби Сарвари давлат ба таври фосилавӣ ифтитоҳ гардид. Бо мавриди истифода қарор гирифтани филиали мазкур зиёда аз 30 сокини маҳаллӣ бо кори доимӣ таъмин гардиданд. Дар ин рӯз, ҳамчунин, бо иштироки Президенти кишвар муҳтарам Эмомалӣ Раҳмон Муассисаи таҳсилоти миёнаи умумии №5 ба номи Абуабдуллоҳ Рӯдакӣ дар маҳаллаи Имоми Аъзам барои қабули 720 хонанда дар ду баст ба таври фосилавӣ ифтитоҳ гардид. Иншооти сеошёна бо таҷҳизоти муосири соҳа таъмин буда, бо маблағгузории мақомоти маҳаллӣ ва шахсони саховатпеша сохта шудааст. Инчунин дар деҳаи Тутки деҳоти Пошкент Муассисаи таҳсилоти миёнаи умумии №46 барои 540 хонанда дар ду баст мавриди баҳрабардорӣ қарор дода шуд. Муассисаи навбунёд дорои шароити мусоиди таълиму тадрис буда, дорои 12 синфхонаи муҷаҳҳаз мебошад. Барои тарғиби тарзи ҳаёти солим дар муассиса толори барҳавои варзишӣ сохта шудааст. Ҳамчунин, дар ин рӯз Муассисаи таҳсилоти миёнаи умумии №69 дар деҳаи Чорбоғ барои 2 ҳазору 600 хонанда дар ду баст бо 50 ҷойи корӣ тариқи фосилавӣ ифтитоҳ гардид. Иншоот дуошиёна буда, дорои 36 синфхона мебошад. Хонандагон имкон доранд, ки бо истифода аз кабинетҳои фаннии химия, биология, физика ва география дониши худро сайқал диҳанд. Муассисаи зебову муосири таълимӣ имкон медиҳад, ки минбаъд наврасону ҷавонони деҳаи Чорбоғ дар шароити муосир бо таҳсил фаро гирифта шаванд. Ҳамчунин Муассисаи таҳсилоти миёнаи умумии №62 дар деҳаи Сӯфиорифи деҳоти Зарҳалол дар идомаи ҳамин иқдом амалӣ гардида, барои бо таҳсил фаро гирифтани 500 хонанда дар ду баст аз ҷониби Сарвари давлат муҳтарам Эмомалӣ Раҳмон тариқи фосилавӣ мавриди истифода қарор дода шуд. Бинои ин муассиса аз ду ошёна ва 10 синфхона иборат буда, дар он шароити муосири таълим фароҳам оварда шудааст. Ҳоло дар муассиса зиёда аз 30 омӯзгор, ки 90 фисади онҳоро ҷавонон ташкил медиҳанд, ба кор ҷалб шудаанд. Иншооти нав дорои маҷлисгоҳ бо 120 ҷойи нишаст аст. Инчунин, дар ин рӯз 3 кӯдакистон ба фаъолият оғоз намуд. Муассисаҳои таҳсилоти томактабӣ бо шароити мусоиди таълим барои омӯзиш, машғулият ва бозиҳои гуногуни амаливу зеҳнии кӯдакон фароҳам оварда шудааст. Се муассисаи таҳсилоти томактабии тозабунёд дар деҳаҳои Сандағундак, Тутк ва Вогат дар маҷмуъ зиёда аз 400 кӯдак ба машғулиятҳои шавқовару зеҳнӣ фаро гирифта шудааст, ки дар заминаи сиёсати маорифпарваронаи Пешвои миллат муҳтарам Эмомалӣ Раҳмон аз ҳисоби соҳибкорон ва саҳми сокинони маҳал бунёд гардидааст. Президенти кишвар муҳтарам Эмомалӣ Раҳмон ба сифати корҳои анҷомёфта ва сатҳу сифати шароити фароҳамгардида баҳои баланд дода, масъулонро ба таълиму тарбияи фарзандон дар рӯҳияи ватандӯстиву хештаншиносӣ ҳидоят намуданд. Бояд гуфт, ки танҳо имрӯз дар шаҳри Истаравшан зиёда аз 10 муассисаи таҳсилоти миёнаву томактабӣ ба истифода дода шуд, ки барои 4 ҳазору 200 хонанда дар ду баст ва 400 кӯдак пешбинӣ шудаанд.54
19.11.2025
-
БАРРАСИИ ГУСТАРИШИ ҲАМКОРИҲО БО ДОНИШГОҲИ САН ҶОРҶИ ГРЕНАДА Дар доираи сафари корӣ ба Давлати Гренада, муовини директори Муассисаи давлатии «Маркази барномаҳои байналмилалӣ» Тоҷиддини Баҳриддин бо роҳбарияти Донишгоҳи маъруфи тиббии Сан Ҷорҷ (St. George’s University) вобаста ба баррасии масъалаҳои густариши ҳамкориҳои дуҷониба вохӯрӣ намуд. Дар ҷараёни мулоқот ҷонибҳо имкониятҳои васеи ҳамкориро дар соҳаи таълим ва омодасозии кадрҳои тиббӣ мавриди баррасӣ қарор доданд. Аз ҷумла, масъалаҳои дастгирии донишҷӯёни тоҷик, аз он ҷумла 9 донишҷӯе, ки айни ҳол дар ин донишгоҳ таҳсил доранд, муҳокима шуданд. Роҳбарияти донишгоҳ омодагии худро барои нигоҳубини ройгони тиббии донишҷӯёни тоҷик, инчунин таҳияи механизми ҳимоя ва дастгирии иловагӣ барои онҳо баён намуд. Аз масъалаҳои муҳимми мулоқот ин ба роҳ мондани раводиди ройгон барои донишҷӯёни Тоҷикистон мебошад. Ҷонибҳо таъкид карданд, ки сода кардани раванди раводид имконият медиҳад, ки шумораи бештари ҷавонон аз Тоҷикистон дар ин муассисаи бонуфуз таҳсил намоянд. Ҳамзамон, пешниҳод гардид, ки барои донишҷӯёни тоҷик имконҳои тахфиф дар таҳсил ва барномаҳои дастгирии молиявӣ баррасӣ карда шаванд. Намояндаи Марказ аз ҷумла пешниҳод кард, ки ҳамкориҳо на танҳо дар сатҳи таҳсили ибтидоии тиббӣ, балки дар ҳамаи зинаҳо - резидентура, ординатураи клиникӣ, internship, clerkship ва барномаҳои таҷрибаомӯзии амалии табибон ба роҳ монда шаванд. Ҷонибҳо барои таҳияи нақшаи мушаххаси ҳамкорӣ дар ин самт ба мувофиқа расиданд. Маврид ба зикр аст, ки SGU яке аз донишгоҳҳои бонуфузи тиббӣ дар буда, соли 1976 таъсис ёфтааст. Донишгоҳ дорои кампуси замонавӣ буда, дар ҳудуди кампус зиёда аз 65 бинои таълимӣ ва хизматрасонӣ ҷойгир шудаанд. SGU дорои инфрасохтори мукаммали хобгоҳҳо барои зиёда аз 1 600 донишҷӯ мебошад. Дар ҳоли ҳозир дар донишгоҳ зиёда аз 7 000 донишҷӯ аз беш аз 150 кишвари ҷаҳон таҳсил мекунанд, ки SGU-ро ба яке аз марказҳои бисёрмиллатии омӯзиши тиб табдил додааст. Барномаҳои тиббии SGU дорои аккредитатсияҳои байналмилалӣ буда, донишҷӯён имкони гузаронидани таҷрибаомӯзии клиникӣ дар марказҳои пешрафтаи тиббии ИМА, Британияи Кабир ва Канада доранд. Маркази барномаҳои байналмилалӣ ва Донишгоҳи Сан Ҷорҷи Гренада омодагии худро барои таҳкими минбаъдаи ҳамкориҳо изҳор карданд. Мулоқоти баргузоршуда заминаи воқеӣ барои тавсеаи имкониятҳои таҳсилӣ ва таҷрибаомӯзии шаҳрвандони Ҷумҳурии Тоҷикистон дар яке аз донишгоҳҳои пешсафи тиббии ҷаҳон ба ҳисоб меравад.47
19.11.2025
-
Ба истифода додани Муассисаи томактабии Аркон, тариқи маҷозӣ ифтитоҳи Гимназияву муассисаи таҳсилоти миёнаи умумӣ дар шаҳри Хуҷанд, муассисаи таҳсилоти миёнаи умумӣ ва майдончаи варзишӣ дар ноҳияи Айнӣ 18 ноябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Хуҷанд бинои Муассисаи таҳсилоти томактабии Арконро мавриди истифода қарор доданд. Иншооти навбунёд аз ҷониби соҳибкори ватандӯст Умеда Гадойбоева дар пайравӣ аз сиёсати маорифпарваронаи роҳбарияти давлат дар масоҳати умумии 2264 метри мураббаъ бо сифати баланд ва шароити замонавӣ бунёд ёфтааст. Зимни шиносоӣ ба Сарвари давлат мухтарам Эмомалӣ Раҳмон иттилоъ доданд, ки дар иншооти навбунёд 360 кӯдак ба таълиму тарбия фаро гирифта шуда, барои кор бо онҳо 30 парастори соҳибтаҷриба ва дорои ихтисоси педагогӣ ҷалб гардидаанд. Шумораи умумии кормандон дар муассисаи томактабӣ 75 касро ташкил медиҳад. Иншооти навбунёд аз ҷониби меъморони маҳаллӣ дар ҳамкорӣ бо меъморони олмонӣ таҳия шудааст. Ин равиш омехтаи эстетикаи аврупоӣ ва ниёзҳои фарҳангии тоҷикӣ мебошад. Ҳар ҷузъи бино аз равзанаҳо то гузаргоҳҳо бо усули Муҳити амн барои кӯдак тарҳрезӣ шудааст. Бино дорои 26 ҳуҷраи барҳавои машғулият, аз ҷумла 12 ҳуҷраи хобу истироҳат, ошхона, нуқтаи тиббӣ, толори варзишӣ ва дигар иншооти ёрирасон буда, ҳар кадоми он бо таҷҳизоти зарурӣ ва воситаҳои таълимӣ муҷаҳҳаз гардонида шудааст. Дар синфхонаҳо бо мақсади ташаккулу инкишофи зеҳнии кӯдакон ва тарбияи онҳо дар рӯҳияи ватандӯстиву хештаншиносӣ шароиту имкониятҳои мусоид фароҳам оварда шудааст. Инфрасохтори мувофиқ ба стандартҳои муосири ҷаҳонӣ ва методикаи байналмилалии таълимии, ки ба мустақилият, худомӯзӣ ва рушди табиии қобилиятҳои кӯдакон равонашуда, аз бартариҳои дигари ин муассисаи наву замонавӣ мебошад. Бозӣ ва корҳои амаливу тафаккурӣ, таваҷҷуҳ ба рушди интеллектуалӣ ва иҷтимоӣ ба ҳар кӯдак, барномаи рангинкамон, инкишофи нутқ, коммуникатсия, саводи аввалия бо таҷрибаи ҷаҳонӣ ба роҳ монда шудааст. Дар муассиса раванди таълим ва машғулиятҳо бо забонҳои тоҷикӣ, русӣ ва англисӣ ба роҳ монда шуда, барои бедор сохтани завқи эстетикии кӯдакон толори мусиқӣ низ фаъолият мекунад. Саҳни бинои Муассисаи томактабии Аркон бо дарахтон ва гулу буттаҳои ороишиву ҳамешасабз ороста шуда, даромадгоҳи он пештоқи ҷолибу назаррабое дорад, ки бо завқу салиқаи баланд ороиш ёфтааст ва барои бедор сохтани ҳисси зебоиписандии кӯдакон муассир мебошад. Ҳамзамон дар саҳни бино айвончаи тобистона барои гузаронидани машғулиятҳо сохта шудааст. Зимни боздид аз шароити кӯдакистон Пешвои миллат муҳтарам Эмомалӣ Раҳмон ба сифати корҳои анҷомёфта ва имкониятҳои фароҳамгардида баҳои баланд дода, аз иқдомҳои созандаи соҳибкори ватандӯст изҳори қаноатмандӣ намуданд. Роҳбари давлат муҳтарам Эмомалӣ Раҳмон зимни суҳбати самимӣ бо масъулин, онҳоро барои ба роҳ мондани таълими босифат, ташаккули шахсият, омӯзиши донишҳои муосир ба кӯдакон, тарбияи онҳо дар рӯҳияи ватандӯстӣ ва аз хурдӣ ҷой додани эҳтирому садоқат ба обу хоки Ватан дар қалби онҳо, дастуру ҳидоятҳо доданд. Дар ҳамин ҷо Сарвари давлат муҳтарам Эмомалӣ Раҳмон ду иншооти дигари соҳаи маориф – марҳилаи якуми Муассисаи таҳсилоти миёнаи умумии Аркон дар маҳаллаи Темурмалик ва Гимназияи рақами 4-ро дар шаҳри Хуҷанд ба таври фосилавӣ мавриди баҳрабардорӣ қарор доданд. Бинои Муассисаи таҳсилоти миёнаи умумии Аркон, ки бо шароити муосир бунёд ёфтааст, дорои имкони фаро гирифтани 600 хонанда дар ду баст мебошад. Дар Гимназияи рақами 4 бошад, 1700 хонандагон дар ду баст ба таҳсил фаро гирифта мешаванд. Ҳамчунин дар ин рӯз Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бинои нави муассисаи таҳсилоти миёнаи умумии рақами 26-ро дар деҳаи Томин ва майдончаи нави варзишии замонавиро дар деҳаи Ғаберуди ноҳияи Айнӣ тариқи фосилавӣ ба истифода доданд. Муассисаи таҳсилоти миёнаи умумии рақами 26-и деҳаи Ғаберуд бо иҷрои дастуру супоришҳои Пешвои миллат муҳтарам Эмомалӣ Раҳмон ба истиқболи ҷашни 35-солагии Истиқлоли давлатӣ ва бо маблағгузории корхонаи маъдантозакунии муштараки Тоҷикистону Амрико – Анзоб бунёд ёфтааст. Бинои нави муассисаи таълимӣ аз ду ошёна иборат буда, барои фаро гирифтани 480 хонанда дар ду баст пешбинӣ шудааст. Иншооти нави варзишӣ бошад, бо саҳми соҳибкори ватандӯст Сайфиддин Нуров бунёд гардидааст. Майдончаи варзишӣ барои баргузории мусобиқаҳои гуногун пешбинӣ шуда, барои ҷалби бештари наврасон ба варзиш имконият фароҳам меорад.45
18.11.2025
Лоиҳаҳо
Ҳамаи лоиҳаҳо
-
Барои донишҷӯён
Маълумоти муфид барои донишҷӯён
-
Волидайн
Маълумоти муфид барои волидайн
-
Барои омӯзгорон
Маълумоти муфид барои омӯзгорон
-
МТМУ
Маълумоти муфид барои МТМУ
-
МТО
Маълумоти муфид барои МТО
Захираҳо
-
Китобхонаи электронӣ
Вазорати маориф ва илми Ҷумхурии Тоҷикистон
-
Мактаб Мобайл
Платформаи таълимии рақамӣ
-
Китобдӯст
Замимаи мобилӣ барои хурдсолон
-
Сандуқчаи зулбиё
Платформа барои хонандагони томактабӣ
-
Анбори электронӣ
Захираҳои электронӣ
-
Бозиҳои математикӣ
Замимаи мобилӣ барои хонандагони синфҳои 1-4
Эълон
Бештар-
04.11.2025
СПЕЦИАЛЬНОЕ УВЕДОМЛЕНИЕ О ЗАКУПКАХ
СПЕЦИАЛЬНОЕ УВЕДОМЛЕНИЕ О ЗАКУПКАХ Бештар -
31.10.2025
ЗАПРОС КОТИРОВОК
ЗАПРОС КОТИРОВОК Бештар -
28.10.2025
Приглашение на участие в тендере
Приглашение на участие в тендере Бештар
Ҳамаи элонҳо
Ҷумҳурӣ
Таҳсилоти томактабӣ
Тарбиятгиранда
Омӯзгор
Таҳсилоти миёнаи умумӣ
Хонанда
Омӯзгор
Таҳсилоти олии касбӣ
Донишҷӯ
Омӯзгор
