18.03.2025
18-уми марти соли ҷорӣ дар Вазорати маориф ва илми Ҷумҳурии Тоҷикистон ба муносибати ҷашни байналмилалии Наврӯз бо иштироки вазири маориф ва илм Раҳим Саидзода, муовинони вазир, муовинони собиқи вазир ва кормандони дастгоҳи марказии вазорат чорабинии идона баргузор гардид.
Вазири маориф ва илм чорабинии идонаро оғоз бахшида, ҳозиринро ба муносибати ҷашни байналмилалии Наврӯз табрик гуфта, ба ҳамаи иштирокчиён сиҳатию саломатӣ, хотирҷамъӣ, муваффақияту сарбаландӣ ва хушиҳои рӯзгорро таманно намуд.
Дар идома қайд карда шуд, ки ҷашни Наврӯзи байналмилалӣ яке аз маросимҳои суннатии мардуми тоҷик ба ҳисоб рафта, бо сифатҳои башардӯстонааш аз ҷониби ҷомеаи ҷаҳонӣ ҳамчун дастоварди беназири фарҳанги умумиинсонӣ пазируфта шудааст.
Гуфта шуд, ки Наврӯз дар қатори Меҳргону Тиргону Сада аз бостонитарин ҷашнҳои ниёгони баруманду маърифатоини мост ва пайванди ногусастанӣ ба табиат дорад. Муҳимтар аз ҳама, ин фархундаҷашн мубаллиғу ифодагари дӯстию рафоқат, сулҳу ваҳдат, ростию покизагӣ ва бахту саодат буда, инсонҳоро ба накукорӣ даъват менамояд.
Дар идома гуфта шуд, ки Истиқлоли давлатӣ барои эҳёи комил ва тантанаи фарогири ин ҷашни хуҷаста шароити созгор ва имконоти васеъ фароҳам овард. Муҳимтар аз ҳама, Наврӯз ба як рукни Истиқлоли давлатӣ ва ба далели барҷастаи дорои фарҳанги воло будани тоҷикон табдил ёфт. Барои ба таври шоиста арҷгузорӣ кардан ба Наврӯзи ҷаҳоноро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун эҳёгару посдори арзишҳои миллӣ хидмати бузургу мондагор кардаанд. Пешвои муаззами миллат Наврӯзро “шиносномаи миллат” номида, афзудаанд: “Ҷашни Наврӯз барои миллати фарҳангдӯсту тамаддунсоз ва хуршедпарвари мо дар ҳамаи давру замон муқаддас буд. Аҷдоди мо ҳатто дар давраҳои мушкилтарини таърихӣ, ки аҷнабиён Наврӯзи Аҷамро мамнуъ эълон карда буданд, онро чун иди зиндагисоз ва ҷавобгӯи орзуву ормонҳои деринаашон ба ҳар роҳу восита ҳифз менамуданд ва гиромӣ медоштанд”.
Сипас, бахшида ба Иди байналмилалии Наврӯз аз ҷониби вазири маориф ва илм ва Иттифоқи касабаи кормандони маориф ва илм ба як қатор кормандони вазорат барои хизмати бисёрсолаи бенуқсон дар соҳаи маориф, саҳми арзанда дар тарбияи насли наврас, тайёр намудани кадрҳои баландихтисосу иштироки фаъолона дар ҳаёти ҷамъиятӣ “Ифтихорнома”, “Сипоснома” ва туҳфаҳои хотиравии Вазорати маориф ва илми Ҷумҳурии Тоҷикистон тақдим гардид.
Дар идомаи чорабании идона баҳри болидахотирии ҳозирин аз ҷониби дастаҳои ҳунарии муассисаҳои таҳсилоти олии касбӣ ва ҳунармандони хушсалиқаи кишвар барномаи ҷолиби консертӣ намоиш дода шуд.
Маркази матбуоти
Вазорати маориф ва илми
Ҷумҳурии Тоҷикистон
Хабарҳои дигар
-
БАРРАСИИ МАСЪАЛАҲОИ МУҲИММИ СОҲА ДАР ҶАЛАСАИ НАВБАТИИ ҲАЙАТИ МУШОВАРАИ ВАЗОРАТИ МАОРИФ ВА ИЛМ 29 сентябри соли 2026 дар Вазорати маориф ва илми Ҷумҳурии Тоҷикистон ҷаласаи навбатии ҳайати мушовараи Вазорати маориф ва илми Ҷумҳурии Тоҷикистон баргузор гардид. Дар ҷаласа муовини якуми вазири маориф ва илм Ҳомид Ҳошимзода муовинони вазир, сардорони раёсату шуъбаҳои дастгоҳи марказӣ, роҳбарони муассисаҳои тобеи вазорат, мудирони шуъбаҳои маорифи шаҳру ноҳияҳо ва дигар шахсони масъул тариқи ҳузурӣ ва маҷозӣ иштирок намуданд. Муовини якуми вазири маориф ва илм ҷаласаро оғоз намуда, иброз дошт, ки кормандони соҳаи маориф бо роҳнамоӣ аз сиёсати маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои рушди устувори соҳа, тарбияи насли донишманду соҳибмаърифат, ватандӯсту худшинос ва омода намудани кадрҳои ҷавобгӯ ба талаботи замони муосир аз тамоми имконияту захираҳои мавҷуда самаранок истифода намуда, дар татбиқи ҳадафҳои стратегии давлат саҳми арзандаи худро гузоранд. Сипас, ҳозиринро бо рӯзномаи ҷаласа шинос намуд. Дар ҷараёни ҷаласа як қатор масъалаҳои муҳимми соҳа мавриди таҳлилу баррасии ҳамаҷониба қарор гирифтанд. Аз ҷумла, ҳисоботи сардори раёсати маорифи Вилояти Мухтори Кӯҳистони Бадахшон А. Мирзоқанд “Оид ба вазъи фарогирӣ ба таълиму тарбияи томактабӣ, таъсиси марказҳои рушди барвақтии кӯдак ва иҷрои барномаҳои давлатии марбут ба самти томактабӣ” ба таври маҷозӣ шунида шуд. Дар рафти баррасии масъала натиҷаҳои фаъолияти соҳаи маорифи вилоят дар ин самт, дастовардҳо, мушкилоти ҷойдошта ва вазифаҳои минбаъда мавриди муҳокима қарор гирифтанд. Муовини якуми вазири маориф ва илм вобаста ба масъалаи мазкур таъкид намуд, ки барои боз ҳам беҳтар намудани вазъи фарогирии кӯдакон ба таълиму тарбияи томактабӣ, рушди марказҳои рушди барвақтии кӯдак ва иҷрои босифати барномаҳои давлатии марбут ба самти томактабӣ, роҳбарияти раёсати маорифи вилоятро зарур аст, ки ҷиҳати бартараф намудани мушкилоти ҷойдошта, зиёд намудани фарогирии кӯдакон ба таҳсилоти томактабӣ, беҳтар намудани шароити муассисаҳои томактабӣ ва марказҳои рушди барвақтии кӯдак тадбирҳои мушаххас андешанд. Ҳамчунин, вобаста ба рафти иҷрои қарорҳои мушовара ва ҷаласаҳои назоратии назди вазири маориф ва илми Ҷумҳурии Тоҷикистон дар нимсолаи аввали соли 2026 Ҷ. Амиров, котиби ҷаласаи ҳайати мушовараи Вазорати маориф ва илм ва оид ба баррасии китобҳои дарсӣ барои донишҷӯёни муассисаҳои таҳсилоти олии касбӣ У. Ҳасанзода, директори Маркази таҳия, нашр ва муомилоти китобҳои дарсӣ, илмию методӣ баромад намуда, иҷрои саривақтӣ ва босифати қарорҳои қабулгардида, рафъи камбудиҳои ҷойдошта ва таҳкими назорати иҷрои онҳо ва раванди таҳия, баррасӣ ва таъмини муассисаҳои таҳсилоти олии касбӣ бо китобҳои дарсӣ ва адабиёти таълимию методиро мавриди баррасӣ қарор дод. Дар ҷаласа вобаста ба масъалаҳои баррасишуда қарорҳои дахлдор қабул гардида, барои беҳтар намудани фаъолияти соҳаи маориф ва ҳалли масъалаҳои ҷойдошта ба масъулон дастуру супоришҳои мушаххас дода шуданд. Раиси ҷаласа зимни ҷамъбасти ҷаласа таъкид намуд, ки аҳли маорифи кишвар вазифадоранд фаъолияти худро ҷиҳати баланд бардоштани сифати таҳсилот, тақвияти корҳои тарбиявӣ, таъмини муассисаҳои таълимӣ бо кадрҳои соҳибтахассус, таҳкими заминаи моддию техникӣ ва татбиқи самараноки сиёсати давлатӣ дар соҳаи маориф боз ҳам тақвият бахшанд. Маркази матбуоти Вазорати маориф ва илми Ҷумҳурии Тоҷикистон
27
29.09.2026 -
БОЗДИД АЗ РАФТИ БАРГУЗОРИИ ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН-2026» Имрӯз, 29 сентябри соли 2026 вазири маориф ва илми Ҷумҳурии Тоҷикистон Раҳим Саидзода дар Муассисаи таҳсилоти томактабии №59-и ноҳияи Исмоили Сомонии шаҳри Душанбе аз рафти баргузории даври ҷумҳуриявии озмуни «Мураббии соли Тоҷикистон-2026» дидан намуд. Зимни боздид вазир бо ҷараёни озмун, фаъолияти иштирокчиёни даври ниҳоӣ ва тарзи иҷрои шартҳои озмун аз наздик шинос шуда, Иштирокчиён маҳорати касбӣ, таҷрибаи педагогӣ, усулҳои кор бо кӯдакон ва малакаҳои эҷодии худро муаррифӣ карданд. Вазири маориф ва илм бо аъзои комиссияи озмун суҳбат намуда, таъкид кард, ки баҳогузории иштирокчиён бояд бар асоси талаботи Низомномаи озмун, бо риояи меъёрҳои муайяншуда ва дар фазои шаффофу одилона анҷом дода шавад. Таъкид гардид, ки натиҷаи озмун бояд маҳз фаъолияти касбӣ, дониш, таҷриба, маҳорати педагогӣ ва дастовардҳои воқеии иштирокчиёнро инъикос намуда, ғолиб дар асоси натиҷаҳои воқеии баҳогузорӣ муайян карда шавад. Вазир ба масъулини баргузории озмун дастур дод, ки дар тамоми марҳилаҳои озмун ба риояи талаботи муқарраргардида, шаффофияти раванди баҳогузорӣ ва муносибати баробар ба ҳамаи иштирокчиён таваҷҷуҳи ҷиддӣ зоҳир карда шавад. Ёдовар мешавем, ки даври ҷумҳуриявии озмуни «Мураббии соли Тоҷикистон-2026» рӯзҳои 28-30 сентябр баргузор гардида, дар ҷамъбасти он ғолиби озмун дар асоси натиҷаҳои баҳогузории комиссия муайян ва бо ҷоми озмун, диплом ва мукофотпулӣ қадрдонӣ карда мешавад. Маркази матбуоти Вазорати маориф ва илми Ҷумҳурии Тоҷикистон
27
29.09.2026 -
ИФТИТОҲИ МУАССИСАИ НАВИ ТАЪЛИМӢ ДАР НОҲИЯИ ВОСЕЪ Дар деҳаи Нонҷемаси Ҷамоати деҳоти Худоёр Раҷабови ноҳияи Восеъ бинои Муассисаи таҳсилоти миёнаи умумии №22 мавриди истифода қарор гирифт. Дар маросими ифтитоҳи муассиса муовини вазири маориф ва илми Ҷумҳурии Тоҷикистон Равшан Каримзода, сардори раёсати маорифи вилояти Хатлон З. Абдулзода, муовини раиси ноҳияи Восеъ, менеҷери лоиҳаи «Муҳити таълим – асоси таҳсилоти босифат», намояндагони шуъбаи маорифи ноҳия, омӯзгорон ва хонандагони муассиса иштирок намуданд. Муассисаи мазкур барои 640 ҷойи нишаст пешбинӣ шуда, корҳои таъмиру азнавсозии он анҷом дода шудаанд. Бинои муассиса дуошёна буда, дорои 25 синфхона мебошад. Аз ҷумла, лабораторияҳои фанҳои физика, химия ва биология, синфхонаи компютерӣ ва 20 синфхонаи таълимӣ дар он ҷойгир шудаанд. Ҳамчунин, муассиса дорои толори варзишӣ, толори маҷлис, ошхона, ҳуҷраи кории директор, ҳуҷраи омӯзгорон ва маркази инкишофи кӯдак мебошад. Дар ҳудуди муассиса майдони варзишӣ барои футбол, ҳавзи зиддисӯхтор, дегхона, анбор ва манораи обфишор сохта шуда, корҳои ободонӣ ва маҳкамсозии гирду атрофи муассиса анҷом дода шудаанд. Бино бо системаи гармидиҳӣ ва таҷҳизоти зарурӣ таъмин гардидааст. Бо ба истифода додани муассиса барои 79 нафар ҷойи кори доимӣ фароҳам оварда шуда, барои фарогирии 640 хонанда ба таҳсил шароити мусоид муҳайё гардид. Корҳои таъмиру азнавсозии муассиса дар доираи лоиҳаи «Муҳити таълим – асоси таҳсилоти босифат» амалӣ гардиданд. Ифтитоҳи муассисаи мазкур дар доираи чорабиниҳои бахшида ба 35-солагии Истиқлоли давлатии Ҷумҳурии Тоҷикистон дар самти фароҳам овардани шароити мусоиди таълиму тарбия, таҳкими заминаи моддию техникии муассисаҳои таълимӣ ва беҳтар намудани муҳити таълим қадами муҳим ба ҳисоб меравад.
36
28.09.2026
