02.07.2025
Аз 29 июн то 8 июли соли 2025 дар шаҳри Ханти-Мансийск, Федератсияи Русия Олимпиадаи байналмилалӣ аз фанни физика «ISPhO-2025» баргузор мегардад, ки дар он Ҷумҳурии Тоҷикистонро дастаи мунтахаби иборат аз 3 нафар хонанда ва 1 нафар омӯзгор муаррифӣ менамоянд.
Ин олимпиада ба афзоиши шавқу рағбати хонандагон ба омӯзиши амиқи физика мусоидат намуда, ба дастаҳо имконияти беназири ба даст овардани таҷрибаи арзишманд дар ҳал ва моделсозии масъалаҳои назариявӣ ва таҷрибавӣ медиҳад.
Олимпиадаи ISPhO-2025 аз ду бахш назариявӣ ва таҷрибавӣ иборат буда, дар қисми назариявӣ иштирокдорон бояд 3 масъаларо ҳал кунанд. Яке аз масъалаҳои назариявӣ унсурҳои моделсозии компютерӣ ва таҳлилро дар бар мегирад. Дар бахши таҷрибавӣ бошад ба иштирокдорон супориш дода мешавад, то таҷриба гузаронанд, ки дар рафти он барои гирифтан ва коркарди маълумот компютер истифода шуда метавонад.
Олимпиадаи мазкур аз ҷониби Вазорати маорифи Федератсияи Русия, Ҳукумати Округи Мухтори Ханти-Мансийск – Югра ва Муассисаи давлатии федералии автономии таҳсилоти олии «Донишкадаи физикаву техникаи Москва (донишгоҳи тадқиқотӣ)» гузаронида мешавад.
Хабарҳои дигар
-
Мулоқот бо Раиси Фонди Саудии Рушд Султон Абдурраҳмон ал-Маршад 3 июл Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Раиси Фонди Саудии Рушд Султон Абдурраҳмон ал-Маршад мулоқот намуданд. Дар мулоқот масоили ҳамкории Ҷумҳурии Тоҷикистон бо Фонди мазкур баррасӣ шуд. Тавсеаи ҳамкории Тоҷикистону Фонди Саудии Рушд барои маблағгузории лоиҳаҳои муҳими соҳаҳои маориф, нақлиёт, тандурустӣ, гидроэнергетика ва идоракунии об аз мавзӯъҳои муҳими мулоқот буд. Дар робита ба ин ба роҳбарияти Подшоҳии Арабистони Саудӣ ва Фонди Саудии Рушд барои иқдоми ҷудо намудани 100 миллион доллари амрикоӣ барои татбиқи лоиҳаи неругоҳи барқи обии Роғун ва 30 миллион доллари амрикоӣ барои амалисозии лоиҳаи сохтмони роҳи ҳалқавии шаҳри Кӯлоб арзи сипосу қадрдонӣ карда шуд. Ҷалби васеи Фонд ба маблағгузории лоиҳаҳои иҷтимоиву иқтисодии кишвари мо мувофиқи мақсад дониста шуд. Изҳори итминон карда шуд, ки дар доираи ҳамкории судманд ҷиҳати рушду тавсеаи муносибатҳо аз дигар имкониятҳои мавҷуда истифода карда мешавад.
41
03.07.2025 -
БОЗДИДИ МУОВИНИ ВАЗИРИ МАОРИФ ВА ИЛМИ ҶУМҲУРИИ ТОҶИКИСТОН КАРИМЗОДА РАВШАН АЗ ИСТИРОҲАТГОҲИ БЕРУНАЗШАҲРИИ ШУЪБАИ МАОРИФИ НОҲИЯИ ИСМОИЛИ СОМОНИИ ШАҲРИ ДУШАНБЕ "ШАРОРА" Санаи 2 июли соли 2025, муовини вазири маориф ва илми Ҷумҳурии Тоҷикистон Каримзода Равшан бо мақсади шиносоӣ бо шароити истироҳату фароғат ва барномаҳои таълимиву тарбиявии кӯдакон ва наврасон аз истироҳатгоҳи беруназшаҳрии шуъбаи маорифи Мақомоти иҷроияи ҳокимияти давлатии ноҳияи Исмоили Сомонии шаҳри Душанбе боздид ба амал овард. Дар ҷараёни боздид, муовини вазир бо роҳбарияти истироҳатгоҳ, тарбиятгирандагон ва роҳбарони гурӯҳҳо вохӯрӣ анҷом дода, аз шароити будубоши кӯдакон, барномаҳои тарбиявӣ, фарҳангӣ ва варзишӣ шинос гардид. Ҳамзамон, ҷиҳати иҷрои қарори Ҳукумати Ҷумҳурии Тоҷикистон дар бораи ташкили истироҳати тобистонаи кӯдакон ва наврасон дар мавсими тобистони 2025 ва татбиқи сиёсати давлатии наврасону ҷавонон, тақвияти корҳои тарбиявӣ ва баланд бардоштани сатҳи маърифатнокии кӯдакон дар рӯзҳои истироҳат таъкидҳои зарурӣ баён карда шуданд. Каримзода Равшан ташаббусҳои роҳбарият ва кормандони истироҳатгоҳро ҷиҳати фароҳам овардани муҳити солим ва фаъол барои истироҳати кӯдакон мусбат арзёбӣ намуда, пешниҳоди ҷорӣ намудани унсурҳои таълими экологӣ, ватандӯстӣ ва худогоҳиро дар барномаҳои истироҳатӣ муҳим шуморид. Дар анҷоми боздид, роҳбарияти истироҳатгоҳ барои таваҷҷуҳ ва дастгирии доимии Вазорати маориф ва илм изҳори сипос намуда, иброз доштанд, ки ҷиҳати беҳтар намудани шароити таълиму тарбия ва истироҳати кӯдакон минбаъд низ тадбирҳои иловагӣ андешида хоҳанд шуд.
46
02.07.2025 -
ПАЙРОҲАИ ИСТЕЪДОДҲО: КУРСИ ОМӮЗИШӢ БАРОИ РОҲБАРОНИ МАҲФИЛҲОИ ФАННӢ 2-юми июли соли 2025 дар Маркази ҷумҳуриявии дарёфт ва рушди истеъдодҳо курси омӯзишӣ бо роҳбарони маҳфилҳои марказҳои дарёфт ва рушди истеъдодҳои шаҳри Душанбе ва шаҳру ноҳияҳои тобеи ҷумҳурӣ дар мавзуи “Нақши маҳфилҳои фаннӣ дар рушди қобилиятҳои хонандагони болаёқат” баргузор гардид. Дар курс маърузаҳо аз ҷониби омӯзгори фанни биологияи Маркази дарёфт ва рушди истеъдодҳои вилояти Суғд – Соро Ёдгорова дар мавзуи “Усулҳои муосири ҷалби хонандагони болаёқат ба таҳсилоти иловагӣ ва рушди қобилиятҳои зеҳнӣ”, мудири шуъбаи инноватсия ва ҳаракати олимпии Маркази ҷумҳуриявии дарёфт ва рушди истеъдодҳо – Қосимзода Маъруф дар мавзуи “Тартиби пешбурди маҳфилҳои фаннӣ” ва директори Маркази дарёфт ва рушди истеъдодҳои ноҳияи Сино – Ашуров Шаҳбоз дар мавзуи “Нақши роҳбарони маҳфилҳо дар омода намудани хонандагон ба озмуну олимпиадаҳо” ироа гардид. Иштирокдорон дар раванди баргузорӣ саволу мавзуъҳо ва таҷрибаи худро бо ширкаткунандагон табодул намуда, ба ин васила донишу малакаҳои худро такмил медиҳанд ва фазои ҳамкории илмиро тақвият мебахшанд. «Дар семинар устодони варзида доир ба мавзуъҳои гуногун суханронӣ намуда, оид ба шиносоӣ бо усулҳои муосир ва ҷалби хонандагон ба маҳфилҳо, омӯзиши таҷрибаи ҷаҳонӣ ва миллӣ, таҳияи нақшаҳои амалии ҷалби хонандагон бо дарназардошти синну сол ва таваҷҷуҳ суханҳои пурмуҳтавои хешро дареғ надоштанд», – зикр намуданд, роҳбари маҳфили фанни забон ва адабиёти тоҷики Маркази дарёфт ва рушди истеъдодҳои шаҳри Ҳисор – Гулноза Бобораҷабова. Бояд тазаккур дод, ки тули ду ҳафта аз ҷониби Маркази дарёфт ва рушди истеъдодҳо бо ҳадафи таҳкими донишҳои назариявӣ ва рушди қобилиятҳои кории ҳайати маъмурӣ ва омӯзгорони муассисаҳои таълимии типи нави мақоми ҷумҳуриявидошта ва марказҳои дарёфт ва рушди истеъдодҳо курсу семинарҳои омӯзишӣ баргузор гардида истодааст.
16
02.07.2025
