23.06.2025
Дар доираи лоиҳаи «Дастгирии Иттиҳоди Аврупо ба соҳаҳои маориф ва меҳнати Ҷумҳурии Тоҷикистон» семинар оид ба таҳияи Дастурамалҳои методӣ оид ба баҳодиҳии форматсионӣ буда, ҷузъи муҳими баланд бардоштани сифати таълим маҳсуб мешавад.
Дар семинар Муовини вазири маориф ва илми Ҷумҳурии Тоҷикистон Равшан Каримзода, намояндаи Иттиҳоди Аврупо Диана Димова, омӯзгорони мактабҳои таҳсилоти ибтидоӣ ва инчунини тренерон аз Ҷумҳурии Қазоқистон онлайн пайваст шуданд.
Муовини вазири маориф ва илми Ҷумҳурии Тоҷикистон Равшан Каримзода зарурати ҷорӣ намудани баҳодиҳии форматсионӣ ҳамчун абзори муҳими рушди шахсии хонандагон ва баланд бардоштани сифати таълимро таъкид намуд.
Диана Димова, менеҷери барнома аз Намояндагии Иттиҳоди Аврупо дар Тоҷикистон, саҳми Иттиҳоди Аврупоро дар рушди соҳаи маориф муҳим арзёбӣ намуда, омодагии Иттиҳодро барои дастгирии минбаъда таъкид кард.
Ҳукумати Ҷумҳурии Тоҷикистон ташаббуси ислоҳоти соҳаи маорифро ба зимма гирифта, яке аз самтҳои калидии он ҷорӣ намудани низоми инноватсионии маориф мебошад
Хабарҳои дигар
-
Боздиди мушовири ширкати EDS Global аз муассисаҳои таълимӣ дар доираи ҳамкорӣ бо Бонки Осиёии Рушд Мушовири ширкати байналмилалии мушовирии EDS Global – ҷаноби Гурнит Сингҳ дар доираи татбиқи лоиҳаҳои рушди инфрасохтори соҳаи маориф, аз як қатор муассисаҳои таҳсилоти миёнаи умумии шаҳру ноҳияҳои кишвар боздид ба амал овард. Ин боздид бо ҳадафи шиносоӣ бо вазъи кунунии муассисаҳои таълимӣ ва муайянсозии эҳтиёҷоти сохтмони биноҳои иловагӣ анҷом дода шуд. Ҷаноби Сингҳ зимни сафари корӣ бо роҳбарияти мактабҳо, намояндагони мақомоти маҳаллӣ ва масъулини соҳаи маориф мулоқот анҷом дода, дар ҷараёни он ҷанбаҳои муҳими техникӣ ва лоиҳавии сохтмони биноҳои иловагиро дар доираи лоиҳаи STEM баррасӣ намуд. Ба гуфтаи ҷаноби Сингҳ, Бонки Осиёии Рушд омода аст ҷиҳати беҳтарсозии шароити таҳсил ва рушди инфрасохтори соҳа дар ҳамкорӣ бо Ҳукумати Ҷумҳурии Тоҷикистон, таъмини маблағгузории марҳилавии сохтмон ва таҷҳизонидани муассисаҳои таълимиро ба роҳ монад. Дар ҷараёни боздид, инчунин масоили марбут ба устувории биноҳо, дастрасии баробар ба таҳсил, муҳити бехатар ва тоза барои хонандагон ва омӯзгорон мавриди таваҷҷуҳи ҷиддӣ қарор гирифтанд. Лоиҳаҳои мазкур як қадами муҳим дар роҳи расидан ба ҳадафҳои стратегии рушди соҳаи маориф дар Тоҷикистон арзёбӣ мегарданд.
31
27.08.2025 -
СЕМИНАРИ МАШВАРАТӢ ДАР ДОИРАИ ТАШАББУСИ СУРЪАТ БАХШИДАН БА ТАДБИРҲО ОИД БА ИҚЛИМ, НАВОВАРӢ ВА РУШДИ БАХШИ ХУСУСӢ ТАВАССУТИ АМАЛИЁТҲОИ СОҲАВӢ 26 августи соли 2025 дар маркази тренингии Гурӯҳи идоракунии лоиҳаи “Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика” бо иштироки муовини вазири маориф ва илми Ҷумҳурии Тоҷикистон Музаффарзода Бадриддин Сангалӣ, менеҷери лоиҳа Бобохон Абдулмаҷид, мушовирони байналмилаливу миллӣ, мутахассисони лоиҳа ва ширкати лоиҳакашиву назорати корҳои сохтмонӣ семинари машваратӣ баргузор гардид. Дар раванди семинар муаррифӣ ва муҳокимаи лоиҳаи меъмории биноҳои иловагӣ бо озмоишгоҳҳои замонавӣ, ки дар 20 муассисаи ҳадафии лоиҳаи STEM бунёд мегарданд, сурат гирифт. Дар семинар инчунин муаррифии мушоҳидаҳо ва тавсияҳои асосӣ аз баррасии лоиҳа, мубодилаи бозёфтҳо, пешниҳоди тавсияҳои амалӣ барои такмили минбаъда ва мутобиқсозӣ ва ҳадафҳои лоиҳа манзур гардид. Маврид ба зикр аст, ки семинари мазкур барои дар сатҳи зарурӣ бунёд гардидани иншооти банақшагирифташуда бо дарназардошти талаботи мактаби сабз, мутобиқ будан ба ҳолатҳои фавқулода, тағйирёбии иқлим, масоили гендерӣ мусоидат менамояд ва барои тақвияти омӯзиши фанҳои STEM замина мегузорад.
33
26.08.2025 -
Боздиди мушовири байналмилалӣ оид ба масъалаҳои ҳифзи муҳити зист ва кафолатҳои иҷтимоӣ аз мактабҳои таҳсилоти миёна умумӣ дар шаҳру ноҳияҳое, ки дар онҳо сохтмони биноҳои иловагӣ дар доираи барномаҳои рушди соҳаҳои STEM ба нақша гирифта шудааст Дар доираи татбиқи лоиҳаҳои инфрасохторӣ ва рушди соҳаи маориф бо дарназардошти талаботи замони муосир, ҷаноби Феликс А. Паскуа - мушовири байналмилалӣ оид ба масъалаҳои ҳифзи муҳити зист ва кафолатҳои иҷтимоӣ аз як қатор муассисаҳои таҳсилоти миёнаи умумии шаҳру ноҳияҳо боздид ба амал овард. Ҳадафи асосии ин боздидҳо арзёбии шароити мавҷудаи муассисаҳои таълимӣ, омӯзиши таъсири эҳтимолии муҳити зист ва иҷтимоӣ дар раванди сохтмони биноҳои иловагӣ, инчунин омодагии онҳо барои ҷорӣ кардани барномаҳои таълимии нав дар соҳаҳои STEM (илм, технология, муҳандисӣ ва математика) мебошад. Ҷаноби Паскуа зимни боздид бо роҳбарият ва омӯзгорони мактабҳои №4-и н. Данғара, №5-и ш. Норак, №37-и н. Файзобод, №50 ва №6-и н. Ҳисору №22-и н. Ваҳдат вохӯрӣ анҷом дода, ба ҷараёни омӯзиш, шароити муҳити зисти атрофи муассиса, имкониятҳои дастрасӣ ба захираҳои таълимӣ ва инчунин сатҳи иттилоотнокии ҷомеаи маҳаллӣ дар бораи барномаҳои нав шинос шуд. Боздиди мазкур дар ҳамоҳангӣ бо вазорату идораҳои дахлдор ва шарикони байналмилалӣ амалӣ гардида, ҳамчун як қадами муҳим дар арзёбии омодагии мактабҳо ба татбиқи лоиҳаҳои нави инфрасохторӣ дар доираи рушди STEM ба ҳисоб меравад.
39
25.08.2025
