14.07.2025
13 июли соли 2025 ҳайати Ҷумҳурии Тоҷикистон сафари омӯзиширо ба Баварияи Ҷумҳурии Федеративии Олмон оғоз намуда, ҳадафи он шиносоӣ бо низоми дуалии таҳсилоти касбии Олмон мебошад.
Ин сафар дар доираи лоиҳаи Иттиҳоди Аврупо «Дастгирии соҳаҳои маориф ва меҳнати Ҷумҳурии Тоҷикистон» ташкил гардид.
Ҳайати расмиро ташкил медоданд:
• Фарҳод Раҳимӣ, раиси Кумитаи таҳсилоти ибтидоӣ ва миёнаи касбӣ назди Ҳукумати Ҷумҳурии Тоҷикистон;
• Солеха Холмаҳмадзода, вазири меҳнат, муҳоҷират ва шуғли аҳолӣ;
• Штефан Зиверт, роҳбари лоиҳаи Иттиҳоди Аврупо.
Ҳадафи асосии сафар омӯзиши таҷрибаи Олмон дар самти таҳсилоти дуалӣ ва баррасии имкониятҳои ҳамкорӣ бо муассисаҳои таҳсилоти касбӣ дар Бавария мебошад. Дар доираи сафар ҳайати Тоҷикистон аз муассисаҳои таълимии шаҳрҳои Ротенбург ва Хам боздид ба амал оварда, бо тарзи муттаҳидсозии назария ва таҷриба дар низоми таҳсилоти касбии Олмон шинос гардид.
Ин ташаббус намунаи равшани он аст, ки кумаки Иттиҳоди Аврупо ба рушди малакаҳо, афзоиши имкониятҳои шуғл ва эҷоди шароити мусоид барои ҷавонони Тоҷикистон мусоидат менамояд.
Хабарҳои дигар
-
ТРЕНИНГИ ОМӮЗИШӢ БАРОИ ОМӮЗГОРОНИ МУАССИСАҲОИ ҲАДАФИИ ЛОИҲАИ «ТАКМИЛИ ТАҲСИЛОТИ МИЁНА ДАР СОҲАҲОИ ИЛМҲОИ ТАБИӢ, ТЕХНОЛОГӢ, МУҲАНДИСӢ ВА МАТЕМАТИКА» Рӯзҳои 14-15 июли соли 2025 дар толори тренингии Гурӯҳи идоракунии лоиҳаи “Такмили таҳсилоти миёна дар соҳаҳои илмҳои табии, технологӣ, муҳандисӣ ва математика” тренинги омӯзишӣ таҳти унвони “Муаррифии лоиҳаи “STEM” баргузор шуд. Дар он муовинони ректорон, деканҳо, омӯзгорони фанҳои марбут ба STEM ва методистони Коллеҷи омӯзгории шаҳри Душанбе ва Донишгоҳи давлатии омӯзгории Тоҷикистон ба номи С.Айнӣ иштирок намуданд. Дар ҷараёни тренинг мутахассисони лоиҳа ба иштирокдорон мавзуъҳои муҳимми зеринро пешниҳод намуданд: • шиносоӣ бо мазмун ва ҳадафҳои асосии лоиҳа; • роҳҳои беҳтар намудани таълими STEM барои омӯзгорон ва хонандагон тавассути машғулиятҳо, тренингҳо ва конфронсҳо; • фаҳмондани консепсия ва татбиқи барномаи таълимии гендерӣ дар соҳаи STEM; • муҳокимаи масъалаҳои марбут ба мафҳум, аҳамият ва мушкилоти гендерӣ дар таълими фанҳои дақиқ; • омӯзиши паёмадҳои тағйирёбии иқлим ва роҳҳои муқовимат бо офатҳои табиӣ; • пешгирии истисмори шаҳвонӣ, зӯроварӣ ва озори ҷинсӣ дар доираи татбиқи лоиҳа; • шиносоӣ бо сиёсати давлатии Ҷумҳурии Тоҷикистон оид ба рушди илмҳои табиӣ ва санадҳои ҳуқуқии марбут ба ин самт. Қайд гардид, ки баргузории чунин тренингҳо дар оянда барои омӯзгорони дигар муассисаҳои таълимии шомили лоиҳа низ ба нақша гирифта шудааст.
44
15.07.2025 -
БАРГУЗОРИИ ТРЕНИНГИ ОМӮЗИШӢ ДАР ШАҲРИ ХУҶАНД Рӯзҳои 9 ва 10 июли соли 2025 дар шаҳри Хуҷанди вилояти Суғд тренинги омӯзишӣ дар мавзуи “Муаррифии лоиҳаи “Такмили таҳсилоти миёна дар соҳаҳои илмҳои табиӣ, технологӣ, муҳандисӣ ва математика (STEM)” баргузор гардид. Тренинги мазкур барои директорон, муовинони директор, омӯзгорони фанҳои STEM, методистон ва кормандони шуъбаҳои маорифи шаҳри Панҷакент ва ноҳияи Мастчоҳ доир шуд. Зимни баргузории тренинг, мутахассисони лоиҳа доир ба мазмуну муҳтавои лоиҳа ба иштирокчиён маълумот бо рӯнамоҳо пешниҳод намуданд. Аз ҷумла, масъалаҳои рушди таълими фанҳои STEM, имкониятҳои иловагӣ барои омӯзгорону хонандагон тавассути семинарҳо, тренингҳо ва конфронсҳо, татбиқи консепсия ва барномаи таълими гендерӣ дар таълими STEM, фаҳмиш ва маҳдудиятҳои гендерӣ дар муҳити таълимӣ, тағйирёбии иқлим ва вокуниш ба офатҳои табиӣ, ҳамчунин роҳҳои пешгирии зӯроварӣ ва озори ҷинсӣ баррасӣ гардиданд. Илова бар ин, сиёсати давлатӣ дар соҳаи дастгирии илмҳои дақиқ ва санадҳои меъёрии ҳуқуқии қабулшуда низ мавриди муҳокима қарор гирифт.
44
10.07.2025 -
ВАЗИФАИ ИНСОНИЯТ ВА ҶОМЕА Ҷумҳурии Тоҷикистон ба раванди коҳиш додани меҳнати кӯдакон ва аз байн бурдани шаклҳои хатарноки он пайваста иқдом мекунад. Тибқи маълумоти Вазорати меҳнат, муҳоҷират ва шуғли аҳолии Ҷумҳурии Тоҷикистон, аз соли 2015 то 2023 дар доираи таҳқиқоти мониторингӣ ва рейдҳои муштарак бо мақомоти ҳифзи ҳуқуқ ва нозирони меҳнат садҳо ҳолати истифодаи меҳнати кӯдакон дар бахшҳои ғайрирасмӣ ба қайд гирифта шудааст, бахусус дар бахши кишоварзӣ ва хизматрасонии кӯчагӣ.Ҳамзамон, дар Стратегияи миллии рушди Ҷумҳурии Тоҷикистон барои давраи то соли 2030 ва Стратегияи миллии ҳифзи ҳуқуқи кӯдак барои солҳои 2023–2027 масъалаи барҳам додани шаклҳои бадтарини меҳнати кӯдакон ҳамчун яке аз ҳадафҳои муҳим зикр шудааст. Дар санадҳои мазкур таъкид мегардад, ки “фароҳам овардани муҳити бехатар, мусоид ва фарогир барои рушди ҳар як кӯдак вазифаи аввалиндараҷаи давлат ва ҷомеа мебошад”.Барои муқовимат ба ин падида, Тоҷикистон дар ҳамкорӣ бо СБМ, ЮНИСЕФ ва шарикони байналмилалӣ якчанд иқдомҳоро амалӣ намудааст:• Аз соли 2010 то инҷониб Барномаи миллӣ оид ба барҳам додани шаклҳои бадтарини меҳнати кӯдакон амал мекунад.• Дар 8 вилояти кишвар Марказҳои ҳифзи кӯдакон фаъолият доранд, ки ба кӯдакони осебпазир дастгирии иҷтимоӣ ва равонӣ мерасонанд.• Дар ҳамкорӣ бо СБМ Харитаи роҳ барои барҳам додани меҳнати кӯдакон то соли 2027 таҳия шудааст, ки дар он роҳҳои пешгирӣ, дастгирии оилаҳо ва бозрасии бозори меҳнат муайян шудаанд.• Дар соҳаи маориф - бо дастгирии шарикони рушд дастрасӣ ба таҳсилоти фарогир ва босифат дар мактабҳои деҳот афзоиш дода мешавад. Танҳо дар соли 2023 зиёда аз 300 мактаб бо таҷҳизоти нави таълимӣ таъмин гардид, ки тавассути он муҳити омӯзишӣ беҳтар карда шуд.Хулоса, барҳам додани шаклҳои бадтарини меҳнати кӯдакон дар Ҷумҳурии Тоҷикистон на танҳо амри зарурӣ аз рӯйи уҳдадориҳои байналмилалист, балки як қадами муҳим барои ноил шудан ба Ҳадафҳои Рушди Устувор, бахусус Ҳадафи 8.7 (“Барҳам додани меҳнати маҷбурӣ, тиҷорати одамон ва меҳнати кӯдакон дар ҳама шаклҳо”) мебошад.Мо ҳама масъулем, ки кӯдаконамонро аз муҳити хатарноки меҳнатӣ эмин дорем. Ояндаи кишвар - дар дасти насли солим, босавод ва озод қарор дорад.Биёед даст ба дасти ҳам диҳем ва наслеро парвариш намоем, ки бе меҳнати иҷборӣ, бо донишу маърифат, озод ва созанда ба воя мерасад.Ҳ. МУЗАФАРОВ,коршиноси миллии ЛоиҳаиКумаки Иттиҳоди Аврупо баСоҳаҳои маориф ва меҳнатиҶумҳурии Тоҷикистон
39
10.07.2025
