Дар олимпиадаи мазкур хонандагони синфҳои 10-11 дар ҳайати 1 даста (иборат аз 4 хонанда ва 1 роҳбар) аз 30 кишвар (Россия, Арманистон, Белорусия, Қазоқистон, Литва, Латвия, Ӯзбекистон, Гурҷистон ва ғ.) иштирок менамоянд.

Вобаста ба ин, бо мақсади интихоби дастаи мунтахаби Ҷумҳурии Тоҷикистон 7-уми апрели соли ҷорӣ дар Маркази ҷумҳуриявии дарёфт ва рушди истеъдодҳо даври интихобии олимпиада баргузор гардид, ки дар он аз муассисаҳои таълимии кишвар 54 нафар хонандаи болаёқат иштирок намуданд. 

- Бо сабаби вазъи кунунии эпидемиологӣ дар ҷаҳон, шурӯъ аз моҳи июни соли 2020 олимпиадаҳои байналмилалӣ тариқи фосилавӣ баргузор мегарданд ва Маркази ҷумҳуриявии дарёфт ва рушди истеъдодҳо барои дар сатҳи зарурӣ баргузор намудани олимпиадаҳои мазкур чораҳои зарурӣ меандешад. То имрӯз аз тарафи марказ 8 олимпиадаи бонуфузи ҷаҳонӣ дар сатҳи баланд гузаронида шуд. Инчунин, хонандагоне, ки дар даври интихобии Олимпиадаи байналмилалии Менделеев-2021 ғолиб ва соҳиби роҳхат мегарданд, рӯзҳои баргузории олимпиада дар толори Маркази ҷумҳуриявии дарёфт ва рушти истеъдодҳо бо ҳамсолони худ аз дигар кишварҳо донишу маҳорати худро месанҷанд,-иттилоъ дод муовини директори Маркази ҷумҳуриявии дарёфт ва рушди истеъдодҳо Х.Каримов

                                                                                                                                                                          Маркази матбуоти Вазорати
                                                                                                                                                                                    маориф ва илми
                                                                                                                                                                            Ҷумҳурии Тоҷикистон