БАРҚИЯИ ИТТИЛООТӢ
14-05-2021
Иттифоқи журналистони шаҳри Москва бо мақсади ҳифзи хотираҳои таърихии ғалабаи ИҶШС дар Ҷанги Бузурги Ватанӣ бар фашизм ва ба ин васила, таҳкими дӯстӣ миёни мардумони кишварҳои пасошӯравӣ тасмим гирифтааст, ки миёни рӯзноманигорони ҷавони ВАО-и русзабон (нашрияҳои чопӣ, интернетӣ, телевизионӣ, радиоӣ), донишҷӯёни факултаҳои рӯзноманигорӣ, хонандагони синфҳои болоии мактабҳои миёна дар мавзӯи “Кӯдакони замони ҷанг. Онҳо он замон бозӣ намекарданд, фақат мезистанд” (“Дети войны. Они в нее не играли. Они в ней жили») озмун баргузор намояд.Маводи пешниҳодшаванда бояд бозгӯи тақдири душвори кӯдакон дар давраи Ҷанги Бузурги Ватанӣ, аз ҷумла, ҳаёти мушкили наврасон дар минтақаҳои аз ҷониби фашистон забтгардида, таҳмили онҳо аз шаҳри Москва ба дигар ҷумҳуриҳои Иттиҳоди Шӯравӣ ва бо меҳру муҳаббат пазируфтани онҳо аз ҷониби сокинони дигар мардумони иттиҳод буда, синни иштирокдорон аз 15 то 35-соларо бояд фаро гирад.
Озмун аз рӯйи талабот (номинатсияҳо)-и зерин баргузор мегардад:
• Чоп кардани мавод дар матбуоти даврӣ (очерк, эссе, мусоҳиба, суҳбат, гузориш, аксҳо);
• Дар шабакаҳои телевизионӣ (барнома, гузориш, филми ҳуҷҷатӣ);
• Дар радио (барнома, гузориш, суҳбат, таҳияи дигар маводи радиоӣ);
• Дар шабакаҳои иҷтимоии интернетӣ (таҳияи саҳифаҳои блогерӣ);
• Пешниҳоди тарҳҳои расонаии эҷодӣ (медиапроектҳо).
Маркази матбуоти Вазорати
маориф ва илми
Ҷумҳурии Тоҷикистон
